СКФО-да Ространснадзорну Къабарты-Малкъарда бёлюмюню келечилери «Кавказ» жолда рейдле бардырып, тыш къыралладан жюкле ташыучула Россейни тийишли законларыны излемлерин нечик толтургъанларына къарагъандыла. Ведомствода айтханларыча, ала улоулада тахографланы (болгъанларын эмда ишлегенлерин) тинтгендиле, водительлени халлерине кёз жетдиргендиле, ала жоллада жюрюгенлери ючюн тёлеуню бергенлерин да соргъандыла.

Инспекторла тыйгъан хар улоуну водители жюгюне эмда аны ташыргъа эркинлик берген къагъытланы, кесини удостоверениясын, транспортха документлерин да кёргюзтюрге керекди.

Рейд бардырылгъан кезиуде уа 27 улоугъа къаралгъанды. Инспекторла тюрлю-тюрлю бузукълукъла (тахографны хайырланыу, «Платон» системада тёлеу эм башхала) ючюн водительлеге 29 административ материал жарашдыргъандыла, кеслерине да эсгертиуле этгендиле.

Омарланы Мурат хазырлагъанды.