КъБР-м и Правительствэм и УнафэщI Мусуков Алий дыгъуасэ иригъэкIуэкIа зи чэзу зэIущIэм Iуэхугъуэ 21-м щы-хэплъащ.

Абыхэм язщ Къэбэрдей-Балъкъэрым инвестицэ Iуэхухэм 2034 гъэ пщIондэ зэ­рызыщрагъэужьынум теухуауэ КъБР-м и Правительствэм и унафэм и проект ­къащ­тар.
КъБР-м щIымрэ мылъкумрэ я Iуэху-хэмкIэ и министрым и къалэнхэр зыгъэ­защIэ Уянаев Таймураз тепсэлъыхьащ «АльпинизмэмкIэ, бгым дэкIынымрэ спорт туризмэмкIэ федерацэ» щIына- лъэ жылагъуэ зэгухьэныгъэмрэ Дзэлы­къуэ районымрэ къэрал мылъкум щыщу иратыр къыщыгъэлъэгъуа проектхэм. Жылагъуэ IуэхущIапIэм и хэщIапIэу пэш щхьэхуэ пщIэншэу къигъэсэбэпыну иратащ (Налшык къалэм ЩоджэнцIыкIум и уэрамым хуэзэу). Дзэлыкъуэ щIыналъэм и мылъкум щыщ хъуащ километр 27,4-рэ зи кIыхьагъ гидротехникэ ухуэныгъэр. Къэпсэлъам къызэрыхигъэщамкIэ, псы зэрыжэ бжьамийр сом мелуан 822-рэ и уасэщ.
«Къэбэрдей-Балъкъэр Республикэм и ерыскъыхэкIхэм я шынагъуэншагъэм ­теухуауэ» КъБР-м и Хабзэм и Iыхьэ щхьэ­хуэхэм къару ямыIэжу къэлъытэным теп­сэлъыхьащ КъБР-м и Правительствэм и УнафэщIым и япэ къуэдзэ - мэкъумэш IэнатIэмкIэ министр Говоров Сергей. Абы жиIащ республикэм ерыскъыпхъэхэмкIэ фонд къыщызэгъэпэщыныр тэмэму къызэримылъытэр. «Къэрал фонд мэ­лажьэ, абы дэтхэнэ щIыналъэми зыхуигъэзэну Iэмал иIэщ. Къэбгъэлъагъуэмэ, апхуэдэ фонд къызэригъэпэщын пап-        щIэ Къэбэрдей-Балъкъэрыр сом мелуан 62-рэ хуеинущ. Абы щыгъуэми, долъагъу ди гъунэгъу щIыналъэхэм, псалъэм ­папщIэ, Краснодар, Ставрополь крайхэм, зи гугъу тщIы фондхэр зэрыщымыIэр, абы дызэрыхуэмыныкъуэр», - къыхигъэщащ Говоровым.
КъБР-м щэнхабзэмкIэ и министр ­Къумахуэ Мухьэдин жиIащ Урысейм 2019 гъэр театрым и илъэсу зэрыщагъэувам къыхэкIыу, абы епха Iуэхухэр къызэзыгъэпэщыну комитет яубзыхун зэры-           хуейр. Апхуэдэуи, республикэ унафэщI-хэм ­ягъэ­­белджылащ 2019 гъэ пщIондэ лъэпкъ­­хэм я IэпщIэлъапщIагъэхэр къагъэщIэрэщIэжынымрэ зрагъэужьыным-рэ ятеухуауэ ирагъэкIуэкIыну Iуэхухэр.
ЗэIущIэм къыщащтащ «Пенсэм со­циальнэ ахъшэ дыщIагъун папщIэ, 2019 гъэм Къэбэрдей-Балъкъэрым щыпсэу пенсионерым нэхъ  мащIэ дыдэу къихьым хэгъэхъуэным и IуэхукIэ» КъБР-м и хабзэм и проектым теухуауэ КъБР-м и Правительствэм ищIа унафэмрэ «Ны­къуэдыкъуэхэмрэ зи узыншагъэм сэкъат иIэхэмрэ папщIэ ирагъэкIуэкI «Абилимпикс» зэхьэзэхуэхэм щытекIуэхэмрэ къы­щы­хэжаныкIхэмрэ зэрагъэлъапIэ щIы­кIэр гъэбелджылыным теухуауэ» проектымрэ. КъБР-м и Правительствэм и ­комиссэ щхьэхуэхэм, КъБР-м и Пра-           вительствэм щIэныгъэ-техникэ зыу­жьы­ныгъэмкIэ и Жылагъуэ советым хэтхэм  щыщ гуэрхэр зэрахъуэкIащ.