А фIэщыгъэм щIэту Налшык,   ХьэтIохъущокъуэм и  жыг хадэм, дыгъуасэ Iуэху дахэ щекIуэкIащ. УФ-м и къэрал ныпым и махуэм къызэрагъэпэща дауэдапщэм хэтащ школакIуэхэр, волонтёрхэр, студентхэр, нэгъуэщI къалэдэсхэри.

Ди къэралым и дамыгъэ нэхъыщхьэм и зэхэлъы­-кIэм, абы и мыхьэнэм, и тхы­дэм теухуа псалъэмакъ щхьэпэ къызэхуэсахэм ­ира­­гъэкIуэкIащ. Ныбжьы­щIэхэм яхутепсэ­лъы­хьащ къэрал ныпым пщIэ хуэ­щIын,  хъумэн зэры­хуейм, хэкупсэу дызэрыщы­тыпхъэм.
А махуэм щхьэкIэ метрипщI и кIыхьагърэ метриплI и бгъуагъыу ирагъэщIа нып абрагъуэр щIалэгъуалэм зэпаIыгъыу Лермонтовым и цIэр зезыхьэ уэрамым нэс ирикIуащ, а Iуэхум кърихьэлIахэмрэ ­зы­­гъэпсэхупIэ паркым итхэмрэ нып цIыкIухэр хуагуэшащ.