Къэбэрдей-Балъкъэрым дзюдомкIэ пашэныгъэр къы­щыхьыным хуэунэтIа зэхьэзэхуэ Кэнжэ къуажэм дэт  спорт комплексым иджыблагъэ щекIуэкIащ. Абы щызэпеуащ республикэм и щIыналъэхэм я бэнакIуэ, щIалэхэри хъыджэбзхэри зэхэту, 200-м щIигъу, я ныбжь­кIэ илъэс 18-м щIимыгъуауэ.

Я хьэлъагъ елъытауэ зыхэта гупхэм япэ увыпIэхэр ­къыщахьащ Джэданэ Амырхъан, Къуэныкъуей Идар, Шыгъэлыгъуэ Аскэр, Къамбий Сэфарбий, Хъуран Къантемыр, Къущхьэкъан Амир, Шыкъ Эльнур, Къуэдз Алий, Мусуков Алим, Къумыкъу Алинэ, Баженовэ Изабеллэ, Акимовэ Дарье, Бобровэ Адэ, Къущхьэ Ясминэ, Щад Дилианэ сы- мэ. 
Иджырей зэхьэзэхуэр къызэрыхахыу щытащ икIи абы ­кърикIуахэм ятещIыхьауэ Къэбэрдей-Балъкъэрым и ко­мандэм бэнакIуэ нэхъ лъэщхэр хагъэхьащ. Мы гъэм ахэр хэтынущ Кавказ Ищхъэрэм пашэныгъэр къыщыхьыным хуэунэтIауэ Грознэ къалэм махуищкIэ щекIуэкIыну зэпеуэм. Абы щыщIидзэнур фокIадэм и 5-рщ.

КЪАНШЫУЕЙ Алим.