Россейни Следствие комитетини КъМР-де следствие управлениясыны къуллукъчулары «Сабийни школда хазырла» битеуроссей жандауурлукъ жумушлагъа къошулгъандыла. Аны чеклеринде кёп сабийли, къыйын жашау болумгъа тюшген юйюрлеге болушлукъ этиледи.
Жангы окъуу жылны аллында Черек районну следовательлери юйюрледен биринде къонакъда болгъандыла. Анда ёсген сабийлеге ранецле, дефтерле, къаламла, алача башха затла саугъалагъандыла, аны бла бирге уа, школгъа кереклени сатып алырча ахча сертификатла да бергендиле.
Право низамны сакълаучула социал магъаналы жумушлагъа, жаш тёлюню юйретиуге, къыйын жашау болумгъа тюшгенлеге болушлукъгъа не заманда да энчи эс бурадыла.
- «Сабийни школгъа хазырла» дегенча жумушлагъа къатышыу иги тёреге айланнганды, быллай кезиуледе бирликни, социал жууаплылыкъны сезебиз. Юйюрлеге болушхан бла бирге уа Билимни кюнюню аллында сабийлени къууандырыргъа онгубуз болгъаны бютюнда магъаналыды,-дегендиле бизге ведомствону пресс-службасындан.
Тикаланы Фатима хазырлагъанды
