МЧС-ни регионда Баш управлениясында сабий чыгъармачылыкъны эришиуюнде хорлагъанланы белгилегендиле, конкурс ведомствону 35-жыллыгъына аталып къуралгъан эди.

Эришиу эки бёлюмде бардырылгъанды: «От жилтинлени толкъунларында» (абаданла) эмда «Къыйын, къоркъуулу да иш» (сабийле). Абаданланы араларында эм игиге Баш управленияны келечиси Чеченланы Жамиляны иши саналгъанды, гитчелени араларында уа Мария Тарасова хорлагъанды. Аланы суратлары конкурсну округ кезиуюне жиберилликдиле. Битеуроссей даражада хорлагъанланы суратлары уа МЧС-ни келечилерини ВТБ банк карталарын жасарыкъдыла.

Конкурсну регион кезиуюнде алчы жерлеге чыкъгъанлагъа дипломла, грамотала бла саугъала берилгендиле.

Кульчаланы Зульфия.