Кёп болмай Къабарты-Малкъар къырал университетни аскер жаны бла билим бериу арасына жаш адамланы алыу жаны бла конкурсу экинчи кере бардырылгъанды. Алай бла бу жол «Тамата авиация механик» эм «Пилотсуз учхан аппаратланы оператору» усталыкълагъа окъургъа 99 студент киргендиле, деп билдириледи вузну пресс-службасындан.
Конкурс бир ненча кесекден къуралгъанды. Аны кезиуюнде жаш адамла кючлерин, психология жаны бла чыныгъыулукъларын эм билимлерин да кёргюзтгендиле.
Арада, окъууларындан чырмалмай, къошакъ билим алыргъа да жарайды. Мында дерсле ыйыкъны ичинде энчи бир кюнде ётерикдиле. Саулай алып айтханда, курсла эки жылны барадыла. Аны кезиуюнде сынамларын кючлерча сборла да ётедиле.
- Кеслерин айырмалы кёргюзталгъанлагъа аскер билетле бериледиле. Дагъыда сержант неда рядовой (ефрейтор) чынлагъа тийишли болуп, Россей Федерацияны Сауутланнган кючлерине запасха алынадыла. Ол а жаш адамлагъа къырал структуралада бла ич органлада ишлерге жол ачады, дегенди Аскер жаны бла билим бериу араны таматасы подполковник Альберт Балахов.
Магометланы
Сулейман хазырлагъанды.
