Къабарты-Малкъарны Бизнес-инкубатору чакъырып, Къабарты-Малкъар къырал аграр университетни экономика эм оноу этиу факультетини студентлери аяулу производствону энчиликлери бла шагъырейлениу дерслеге къатышхандыла. Вуздан билдиргенлерича, ол анда «Фабрика процессов» деген бёлюмде ётгенди.
Жаш тёлюге ол дерсни билимли юйретиучюле: Баллиланы Галина, Эльмира Бетрозова, Исай Ханукаев бардыргъандыла. Студентлени биргелери бла ары факультетни башчысыны экинчиси Хочуланы Зухура да баргъан эди.
Алай бла окъуучула аяулу производствону энчиликлери бла ишни юсюнде шагъырейленнгендиле. Ала бу жаны бла болгъан амалланы («Кайдзен», 5S) кёргендиле, заманны азыракъ къоратыргъа юйреннгендиле, ишни къыйматлы этерге тюзелгендиле. Кёргенлерини, эшитгенлерини, билгенлерини хайырындан ала энди шёндюгю производстволада орналыргъа хазыр болгъандыла дерчады. Ол алагъа кеслерини усталыкъларын бютюнда иги этерге, окъууларына да болушурукъду.
Дерсни ахырында студент къауумгъа тийишли сертификатла берип, ала аяулу производствону излемлери бла шагъырей болгъанларын чертгендиле.
Омарланы Мурат
хазырлагъанды.
