КъБР-м щыIэ МВД-м ще­кIуэкIа брифингым щы­теп­сэлъыхьащ балигъ ­мы­хъуа­хэм гъуэгухэм ­хабзэр къыщызэпамыу­-                 ды­­ным ехьэлIауэ лэ­­жьып­хъэхэм. 

Къэбэрдей-Балъкъэ­рым щыIэ МВД-м и къэрал автоинспекцэм и управ­ленэм и унафэщI, полицэм и полковник Бэджыдэ Юрэ зэпкърыхауэ тепсэлъыхьащ хабзэхэм тетыным ехьэ­лIауэ ирагъэкIуэкI лэжьыгъэм. Къэрал автоинспекторхэр махуэ къэс кIэлъоплъ гъуэгум зэрыщызекIуэм икIи мымащIэу къыщIагъэщ ­шофёр тхылъхэр ямыIэу, балигъ мыхъуахэри яхэту транспортхэр зезыгъакIуэ­хэр. 
Бэджыдэм гулъытэ хэха хуищIащ бадзэуэгъуэм Бахъ­сэн районым къыщыхъуа гъуэгу-транспорт зэ­жьэ­хэуитIым. Балигъ мы­хъуауэ рулым дэсхэм цIыху­хэр ираудащ: зы лъэ­сы­рыкIуэр а щIыпIэм деж щы­хэкIуэдащ, нэгъуэщI зы махуи 6 дэкIри сымаджэ­щым щылIащ. ШыщхьэуIум иджыри зы гъуэгу-транспорт къэхъукъащIэ ятхащ, абы балигъ мыхъуауэ тIум, ру­лым дэсаи яхэту фэбжь щагъуэтащ. 
Мазиблым къриубыдэу республикэм и гъуэгухэм щат­хащ балигъ мыхъуахэр зыхэт гъуэгу-транспорт къэхъукъащIэу 13 - абыхэм ящы­щу 9-р сабийхэрщ зи зэраныр. Административнэ жэуапым ирашэлIащ ныбжьыщIэ 243-рэ, хуит зыщI тхылъхэр ямыIэу рулым дэсауэ. Сабийр рулым дэ­тIыс­хьэну хуит зыщIа нэхъыжь­хэм ехьэлIауэ административнэ Iуэху 217-рэ къаIэтащ. 
Къэрал автоинспекцэм и управленэм и унафэщIым жиIащ балигъ мыхъуахэр нэгъуэщI транспортхэми ­тесу хабзэр къызэрызэ-        паудыр - электросамокатхэр, лъакъуэрыгъажэхэр, квадроциклхэр, нэгъуэщI­хэри кърахуэкIыу. Илъэсыр къызэрихьэрэ апхуэдэ Iэ­мэпсымэхэмкIэ хабзэр къы­зэ­паудауэ, гъуэгу-транспорт къэхъукъащIэу 6 ятхащ: щым хэтащ балигъ мыхъуахэр, тIур рулым дэсащ. 
- Балигъ мыхъуауэ рулым дэсхэм пыщIа щытыкIэм егъэпIейтей Къэбэрдей-Балъкъэр Республикэм щыIэ МВД-р, - къыхигъэщащ Бэ­джыдэ Юрэ. - Балигъхэм я нэIэ къазэрытемытым, язы­ныкъуэхэм Iэпэдэгъэлэл зэ­ращIым къыхэкIыу, гъуэгу-транспорт къэхъукъащIэ­хэм ахэр къыхохутэ рулыр яIыгъыу. ЦIыхухэр щыхэ­кIуэ­да е фэбжь щагъуэта гъуэгу-транспорт къэхъу-къащIэхэм балигъ мыхъуа­хэу транспортыр зезыгъэ­кIуа сабийхэм рулыр хуит хуа­щIащ абыхэм я Iыхьлы балигъхэм.
ЗэIущIэм кърихьэлIахэм къыхагъэщащ езы сабийхэми, гъуэгум тет адрейхэми я шынагъуэншагъэр къызэгъэпэщын папщIэ апхуэдэ бгъэдыхьэкIэр къызэре­мызэгъыр. 

УАРДЭ Жантинэ.