МЧС-ни регионда бёлюмюнде от тюшюуге къажау службада къуллукъ этгенле дайым хазырлыкъда турурларына энчи магъана бериледи.  Боюнларына салыннган борчланы толтурур ючюн, къутхарыучула бийик усталыкълы инсанла болгъанларындан тышында, къарыуларын сакъларгъа, кючлерге да керекдиле. Аланы сынар муратда эришиуле къуралгъанлай турадыла.

 Кезиулю сынаулада эришгенле жарау этиу къаланы тёртюнчю къатысына бачхыч салып ёрлегендиле, чырмаулары болгъан 100 эмда 5000 метрни чапхандыла, ауур кётюргендиле, упражненияла этгендиле, жюзгендиле.

Эсеплеге кёре къутхарыучула салыннган мардаланы тынгылы толтургъандыла.

Кульчаланы Зульфия.