Тюнене Жаш тёлюню юйюнде Нальчикде «Землячество» деген биринчи форум ачылгъанды. КъМР-ни Башчысы Казбек Коков анга къатышханлагъа жетишимле тежегенди:

- Бу башламчылыкъ огъурлу эмда хайырлы иш болсун! Жаш адамланы быллай бирлешиулерини уллу чыгъармачылыкъ эмда акъыл кючю барды, ол шуёхлукъгъа бла ёз республиканы игилигине деп бардырылгъан бирикген ишге себеплик этерикди. Форум, регион жашнарча, оюмланы бла проектлени айнытырча, жаш тёлюню арасында бирлик, нёгерлик эмда бир бирге билеклик дегенча сезимлени ёсдюрюрча, ала къайда болгъанларына да къарамагъанлай, жаш адамланы араларында байламлыкъланы кючлерге аталыпды.
Республиканы оноучусу МАХ социальный сетьде кесини бетинде жаш тёлю жангы башламчылыкъны юсюнден хапарлагъанды:
- Проект Къабарты-Малкъардан жаш адамланы – Москваны, Санкт-Петербургну, Саратовну, Краснодарны, Владикавказны, Карачаевскни, Ставропольну, Пятигорскну эм башха шахарланы вузларында билим алгъан студентлени бирикдирликди. Бу кюнледе форумгъа къошулгъанла башха-башха майданлада тюбеширикдиле, бир бирлерине сынамларын билдирликдиле, Къабарты-Малкъар Республиканы айнытыу жаны бла тюрлю-тюрлю соруула бла байламлы ёз оюмларын айтырыкъдыла, мындан ары байламлыкъны къалай жюрютюрюклерин сюзерикдиле.
Проектни къураучусу КъМР-ни Жаш тёлюню ишлери жаны бла министерствосуду.