Республикэм щыпащэ лъэмыжхэр, автомо­биль зекIуапIэхэм Iэтауэ щхьэщыкI гъуэгухэр у­хуэным. КъБР-м и Iэтащхьэ КIуэкIуэ Казбек и телеграм-каналымкIэ цIыхухэр щыгъуазэ ещI а лэжьыгъэхэр зэрекIуэкIым.

Илъэсихым къриубыдэу апхуэдэ ухуэныгъэу 23-рэ зэфIагъэкIащ. Мы зэманым яужь итщ  Май - Урожайнэ - Осетие Ищхъэрэ-Алание республикэм и гъунап­къэр зэпызыщIэ гъуэгум хыхьэ, Тэрч псым телъ лъэмыжыр къызыхуэ­тын­шэу зэгъэпэщыжы-ным. Ар ухуэныгъэшхуэщ, метри 162-рэ и кIыхьагъыу. IэщIагъэлIхэм лъэ­мыжым и пкъыр ягъэ­быдэ, абы пыщIа зыхуэ­фащэ лэжьыгъэхэр зэ­фIагъэкI. ИужькIэ асфальт-бетон зэхэщIам хуэ­дэ тралъхьэнущ, шына­гъуэншэу щызекIуэным хуэщIа псомкIи къызэ-рагъэпэщынущ.
Урысейм и автомобиль гъуэгу нэхъыщхьэхэм хабжэ гъуэгуу Налшык-Май къалэхэм яку дэ­лъым щыщ Iыхьэм зы лъэмыжрэ машинэ зе­кIуапIэ нэхъыщхьэм щхьэщыкI гъуэгуитIрэ ­щы­зэрагъэпэщыж. Ухуэныгъэхэм хэлъ гъу­щI­хэкI­хэм, бетоным псыр зэран хуэмыхъун пап- щIэ зы-х­уэ­фащэ лэжьыгъэхэр щрагъэкIуэкI, гъуэгум асфальтобетон тралъхьэ мы зэма-ным.
Лэскэн 1 - Лэскэн Ипщэ - Ташлы-Тала - Хъазнидон автомобиль гъуэгуми къызыхуэтыншэу щы­зэрагъэпэщыж абы хиубыдэ псыщIэгъэлъа-дэ кIэнауэм телъ лъэмыжыр. Абдежым лъэ­мыжым и пкъоущIэхэр щагъэув, и щхьэри щIэкIэ щызэрахъуэкI. 
Гъуэгухэм ехьэлIа проект нэхъ ин дыдэр икIи  нэхъ гугъур ди Президент Путин Владимир Вла­ди­мир и къуэм къыддиIыгъа, Шэджэм ЕтIуа­нэмрэ Булунгурэ зэпызыщIэрщ, - жеIэ респуб­ликэм и Iэтащхьэм. - Абы лъэмыжибгъу, псори зэ­хэту метр 214-рэ я кIыхьагъыу, къызэщIау­бы­дэ. Ахэр къэгъэщIэрэщIэжыныр, гъэбыдэныр Iэ­ма­лыншэ хъуат. Мы зэманым ирихьэлIэу лъэ­мы­­жит­хур зыхуей хуагъэзащ, плIым иджыри йолэжь.
Лъэмыжхэм жылэхэр зэпащIэм, гъуэгум те-кIуадэ зэманыр ягъэмащIэм и мызакъуэу, щIы­на­лъэ­хэм, республикэкэм я сату, туризм, экономикэ, нэгъуэщI IэнатIэхэми заужьыным хуощ­хьэпэ. Ахэр тыншу къыпхуэгъэсэбэпу, шына­гъуэншэу щытыным и гугъу лейуэ щIэпщIыни щыIэу пIэрэ?
Апхуэдэуи къыхэзгъэщыну сыхуейщ иджырей лъэмыжхэм я зэпкърылъыкIэр гугъуу зэрыщы­тыр икIи ахэр мардэм тету бгъэувын папщIэ а лэ­жьыгъэм фIыуэ хэзыщIыкI IэщIагъэлI, инженер Iэзэхэр уиIэн, ухуэныгъэм ехьэлIапхъэ пкъыгъуэ нэхъыфIхэр къыхэпхыфын, абы техникэ хэха егъэу­вэлIэн хуейщ. Мы гъэм дэ зэуэ лъэмыж ­14-м долэжь, псори зэхэту метр 681-рэ я кIыхьагъыу.
Ар ди гъуэгуухуэ IэнатIэм дежкIэ икъукIэ лэ­жьыгъэшхуэщ, а Iуэхум и пIалъэ къэщIэнымкIи Iэмалышхуэщ икIи ар къэкIуэну зэманхэми къытхуэщхьэпэжынущ.