|
|
Жангы тийрелени суу бла жалчытырча
18 августа, 2025 - 13:42
Къабарты-Малкъар «Жашау этерге инфраструктура» миллет проектге кирген «Коммунал инфраструктураны жангыртыу» федерал программагъа къошулгъанды. Аны бла байламлы талай социал магъаналы жумушну тамамларгъа онг табыллыкъды, деп билдириледи КъМР-ни Къурулуш эмда жашау журт-коммунал мюлк министерствосуну пресс-службасындан.
Чегем районну юсюнден айтханда, быйыл эм келир жыл шахарны Ленин бла Советская орамларында эм «Южный» микрорайонунда жашагъанланы ичер суу бла тынгылы жалчытырча ызла тартыллыкъдыла. Элбрус районда бу жаны бла иги кесек иш этилликди. Ол санда Кёнделенде Ленин, Терешкова, Эней улу эм Родниковая орамлада суу быргъыла жангыртыллыкъдыла. Лашкутада уа суу жыйылгъан жер тап халгъа келтирилликди. Ишле къурулуш организация сайланнганындан сора башланырыкъдыла.
Программагъа Нальчик, Басхан, Прохладный шахар округла, Элбрус, Зольск, Лескен, Прохладна, Терк, Урван, Чегем эм Басхан муниципал районла да къатышадыла.
Сагъынылгъан объектлени ишлеуню Россейни Къурулуш министерствосу бла Къабарты-Малкъарны Правительствосу федерал бюджетден субсидия болушлукъ этерге келишгенлеринден сора башларгъа белгиленнгенди. Ахчаны муниципалитетлеге регионну Правительствосу планда белгиленнген сметагъа кёре бёллюкдю. Ол а битеу ишле болжалдан кеч къалмай толтулурларына эм ахча да тийишлисича къоратылырына ышандырады.
 |
|
15.07.2026 - 09:03 Къабарты-Малкъарны Жамауат палатасында жаш тёлюню сабий тууу жаны бла саулугъу къалай болгъанын тинтгендиле. |
 |
|
14.07.2026 - 09:10 Яникойну Муслийман организациясы къурап, 17 жыллары толмагъан элли жаш тёлюню арасында «Эм иги бахча» деген конкурс быйыл бла экини кере бардырылады. |
 |
|
14.07.2026 - 09:09 Юйюрню, сюймекликни эм кертиликни байрамына атап, ич ишле органланы ветеранларыны советинде къууанчлы жыйылыу болгъанды. Ары элли жылны бирге жашагъан юйюрле чакъырылгъандыла.
|
 |
|
14.07.2026 - 09:07 Алгъаракъда билдиргенибизча, «Антарес» билим бериу арада жюзден артыкъ школчу, жай профильли сменде солуп, Москваны физика-техника институтунда ишлеген преподавательледен билим да алгъандыла. |
 |
|
13.07.2026 - 16:47 Къабарты-Малкъарны Россейни Къырал Думасына бла жер-жерли самоуправление органларына айырыулагъа къарарыкъ жамауат штабы Жалынчакъсыз жамауат мониторингни ассоциациясыны «Къырал Думаны IХ чакъырыл |
|
