Басхан районну администрациясыны башчысы Артур Балкизов Заюково элден энчи аскер операциягъа къатышхан Кумыков Анзор Мухамедовични  Сыйлы Георгийни 4-чю даражалы орденини энчи белгисин аны анасына бергенди. Сыйлы Георгийни ордени Россей Федерацияны аскер саугъасына саналады. Ол Ата журтну къоруулау сермешледе жигитлик, кишилик да этген офицерлеге бла солдатлагъа бериледи. Кумыков Анзор ол махтаугъа энчи аскер операцияны кезиуюнде аскер борчун бет жарыкълы толтургъаны, жигитлик, кишилик да этгени ючюн тийишли болгъанды.
Муниципалитетни башчысы Кумыкова Анфуса Бекалдиевнагъа аллай жаш ёсдюргени ючюн жюрек ыразылыгъын билдиргенди эмда, Анзорну ётгюрлюгюн белгилеп, ол къыралыбызны къоруулаугъа энчи юлюш къошханын чертип, анагъа аны саугъасын бергенди, деп билдиргендиле Басхан районну администрациясыны пресс-службасындан