Ленэ и сурэт щхъуэкIэплъыкIэхэр

18 августа, 2025 - 11:46

Налшык и «Малахитовая шкатулка» арт-галереем щагъэлъагъуэ «Бабуль, привет! Я скучаю!» выставкэр. Абы ­хагъэхьащ Романовская Ленэ и лэжьыгъэхэр.

КъБР-м и СурэтыщIхэм я зэгухьэныгъэм и правленэм и унафэщI Къаныкъуэ Жаннэ жиIащ хабзэ дахэ хъуауэ художникхэр къыщалъхуа махуэр я галереем зэрыщагъэлъапIэр. Ар Романовская Ленэ ехъуэхъуащ и махуэм ирихьэлIэу и выставкэ къызэрызэIуахамкIэ. 
И лэжьыгъэхэм я гугъу щищIым, Романовская Ленэ жиIащ и IэдакъэщIэкIхэр нэхъыбэу нэхъыжьхэм зэрахуигъэзар, дунейм ехыжа и адэшхуэ-анэшхуэм фэеплъ яхуищIа сурэтхэри гъэлъэгъэныгъэм зэрыхигъэхьар. Абы игу къигъэкIыжащ и анэшхуэр щыпсэу къуажэ пхыдзам жэщищ-махуищ гъуэгуанэ зэпачурэ лъагъунлъагъу гъэ къэс мафIэгукIэ кIуэуэ зэрыщытар. Илъэс куэд дэкIауэ, иджы дыдэ Ленэ а щIыпIэм тригъэзащ. Выставкэм хигъэхьащ и благъэхэм, Iыхьлыхэм захуигъэза нэужь, ­кърата дэрэжэгъуэм къыпэкIуа лэжьыгъэ щхъуэкIэплъыкIэхэр щызэхуихьэса плIанэпи.
Гъэлъэгъуэныгъэм къекIуэлIахэм къыхагъэщащ Ленэ и сурэтхэм еплъхэм гукъыдэж къызэрыратыр, зэрагъэгупсысэр, ар зэрыцIыху гуапэр, хьэл-щэныфIэр. Къэпсэлъахэр Романовскэм ехъуэхъуащ дяпэкIи и лэжьыгъэ плъыфэбэхэмкIэ къахуэупсэну, гъуазджэм щиIэ зэфIэкIхэм хигъэхъуэну. 
Ленэ фIыщIэ яхуищIащ и ещанэ гъэлъэгъуэныгъэм зы­кърезыгъэхьэлIахэм, псалъэ гуапэхэр къыхужызыIахэм. 

БЖЬЫХЬЭЛI Розэ. Сурэтхэр Къарей Элинэ трихащ.

  • 3 просмотра

Поделиться:

ЧИТАТЬ ТАКЖЕ:

12.11.2025 - 15:59

И щхьэпагъыр наIуэ ящI

Узыфэ зэрыцIалэхэм зэрапэщIэт вакцинэр зыхрагъэлъхьэн зэрамыдэм къишэ гугъуехьхэм теухуа зэIущIэ Налшык къалэ щекIуэкIащ.
12.11.2025 - 09:13

ЩIалэгъуалэм ягъуэт гулъытэм хохъуэ

Ди республикэм и Iэтащхьэ КIуэкIуэ Казбек яхуэзащ щIалэгъуалэ политикэм зегъэужьынымкIэ егъэджэныгъэ курсхэу «Къуэдзэхэм я школ» фIэщыгъэр зиIэ зэхыхьэм кърихьэлIахэм.
12.11.2025 - 09:11

Илъэс 90-р ягъэлъапIэ

Шэрэдж районыр бжыгъэ дахэ зэрырикъум теухуа зэхыхьэшхуэ щекIуэкIащ Къэщкъэтау. Абы хэтыну зэхуэсахэм псом япэу удз гъэгъахэр тралъхьащ Хэку зауэшхуэм хэкIуэдахэм я фэеплъым. 
12.11.2025 - 09:10

Миланэ и щIыхькIэ

Кэнжэ къуажэм дэт «Пять колец» спорт академием тхьэмахуэ кIуам щагъэ­лъэпIащ Китайм и Уси къалэм тхэквондомкIэ (ВТФ, Олимп джэгухэм хыхьэ лIэужьыгъуэмкIэ) щекIуэкIа дунейпсо чемпионатым и дыжьын ме
11.11.2025 - 12:00

КъыщIагъэкIым и куэдагъым хохъуэ

Кавказ Ищхъэрэм статистикэмкIэ и управленэм къызэритамкIэ, 2025 гъэм и мазибгъум къриубыдэу Къэбэрдей-Балъкъэрым ерыскъыхэкIхэмкIэ и промышленнэ индексыр проценти 102,2-рэ хъуащ.