Адыгея Республиканы Башчысы Мурат Кумпиловну буюруууна тийишлиликде Къабарты-Малкъаргъа Тырныаууз шахарда кёп болмай келген ырхыдан къыйналгъанлагъа гуманитар болушлукъ ашырылгъанды. «Единая Россия» партияны ол регионда толтуруучу комитетини таматасы делегациягъа башчылыкъ этген Рамазан Афашагов бу жумушну магъаналылыгъын чертгенди. 
– Биз Къабарты-Малкъарны къарындаш халкъы Адыгея Республиканы жамауаты аллай къыйын кезиулеринде аланы биргелерине болгъанын сезерлерин сюйгенбиз. Гуманитар болушлукъ этип, ичер суу, чёплеу жау, тюрлю-тюрлю жемиш суула, жашау турмушда керекли химия абериле да келтиргенбиз, – дегенди Рамазан Афашагов.
Келтирилген жюк болжаллы халда турурча жерлени къурау жаны бла кюрешген Элбрус районну администрациясына берилгенди.