Быйыл РФ-ни  Президентини маданият башламчылыкъла жаны бла  фондуну себеплиги бла «Жылны маданият шахары» деген битеуроссей  конкурс бардырылады. Аны кезиуюнде регионла  федерал даражада социал-экономика онгларын, инвестицияла, ол санда туризм жаны бла да къыйматлыкъларын ачыкъларгъа онг табарыкъдыла. Хорлагъанла  эксперт комиссиясыны эсеплерине кёре белгили боллукъдула. 
Быйыл конкурсха къыралдан 26 шахар къатышады, ол санда Нальчик да. Аны кезиуюнде «Къырал жумушла» платформада тюзюнлей къол кётюрюуге, шахарны маданият жаны бла тирилигине, жамауатны къошумчулугъуна да аслам эс буруллукъду. Эки бёлюмде да хорлагъан шахаргъа 50 балл бериледи. Дагъыда «Миллет къол кётюрюуде» биринчи жерге чыкъгъан да  энчи саугъаланады. 
Къол кётюрюуге бу ссылка бла ким сюйсе да къатышыргъа боллукъду:https://pos.gosuslugi.ru/lkp/cultural-capital/contest/13  
 
Магометланы Сулейман.