Къабарты-Малкъар къырал аграр университетни эмда Жаш тёлюню ишлери жаны бла министерствону себепликлери бла бу кюнледе волейболну пляж тюрлюсюнден эришиу кезиуню ачылыуу болгъанды. Аны чегинде университетни, Педагогика, Эл мюлк, Гуманитар-техника колледжлени, «Призвание» медицина колледжни окъуучуларыны араларында оюнла къуралгъандыла.

Эришиулеге 9 эр киши эмда 8 тиширыу къауум къатышхандыла. Жашланы араларында биринчи жерге «Ташла» (Адам Эльбанов, Кючюкланы Идрис) деген къауум чыкъгъанды, «Атлант» (Виктор Сысоев, Тимур Керефов) – экинчи, «Черно-Белый» а (Къудайланы Рустам, Абдулмалик Гехов) ючюнчю болгъандыла.

 Къызлада «Академия» (Мадина Кербиева, Софья Кантемирова) хорлагъанды, «Пляжные асы» (Камила Болова, Алина Бештокова) – экинчи жерни, «Дзен» а (Виктория Кочерга, Аделина Килова) ючюнчюле болгъандыла.

Алчы къауумланы барысына да кубокла, майдалла, грамотала бла саугъала берилгендиле.

Кульчаланы Зульфия.