Кёп болмай Къабарты-Малкъарда къаты жел уруп, жауунла  жаууп  къыйын хауа болум сакъланнганы себепли  «Россети Северный Кавказ» - «Каббалкэнерго» биригиуню келечилерине  опретив халда ишлерге тюшгенди.

Аны бла байламлы ток чыбыкъла юзюлселе, трансформаторла бузулсала,  мычымай, жерине жетип ремонт этедиле.  Аллай кезиуде авариялагъа жетиширча 23  бригада хазырлыкъда тургъандыла. Ол санда тийишли ишлеге   102 специалист чыкъгъандыла эм    36 энчи техника хайырланылгъанды.

 
​«Каббалкэнерго»  биригиуню келечилери къыйын хауа болумну кезиуюнде  энчи сакълыкъ изленнгенин къайтарып  жамауатны эсине салады. Сёз ючюн, ток баргъан чыбыкъладан эм башха  энергообъектледен кенгирек турургъа тийишлиди. Къоркъуусузлукъ бла байламлы жорукълагъа кёре, алагъа сегиз метрден азгъа жууукълашыргъа эм кеслери алларына бузукълукъну кетерирча мадар этерге да  жарамайды.

Ток чыбыкъ юзюлсе, трансформатор бузулса неда башха  шарт  бла байламлы созмай  «Россети» биригиуню къызыу ызына хакъсыз  бу телефон номерле  бла сёлешип билдирирге керекди:   8-800-220-0-220;  220.  

Магометланы Сулейман.