Искусстволаны Шимал-Кавказ къырал институтуну  ректоруну къуллугъун толтургъан Рахайланы Анатолий бла   СКГИИ-ни  проректоруну чыгъармачылыкъ проектле  эмда юйретиу иш жаны бла орунбасары  Црайланы Фатимат   студент юйюрлени биринчи битеуроссей фестивалына  къатышхандыла. 

Ол 17 июльда Москвада Н.Э.Бауман атлы  МГТУ-ну майданында ачылгъанды эмда аны ишине къыралны кёп регионларындан  550-ден артыкъ адам къатышханды.

Жерлешлерибиз  студент юйюрлеге болушлукъгъа къаллай мадарла этилгенлери бла шагъырейленнгендиле. Дагъыда, пленар жыйылыугъа  къатышып, билим бериуде власть органланы келечилерине  соруула да берирге онг тапхандыла.  Фестивальгъа къатышхан кёп башхала бла да тюбешип,  сынауларындан юлюш этгендиле.

Эсгертиу: бу магъаналы жыйылыу  РФ-ни  Федерал Жыйылыууну  Федерация Советини Председатели Валентина Матвиенкону, Федерация Советни  Илму, билим бериу, маданият  жаны бла комитетини  таматасы Лилия Гумерованы, РФ-ни Правительствосуну Председателини орунбасары  Дмитрий  Чернышенкону,  РФ-ни илму эмда бийик билим бериу  министри  Валерий Фальковну башчылыкълары бла ётгенди.  Ол Россейни  Президентинде  Демография,  юйюр политика жаны бла  советни, РФ-ни Федерал Жыйылыууну Федерация Советини, РФ-ни Илму эмда бийик билим бериу  министерствосуну себепликлери бла  къуралгъанды.  

Холаланы Марзият.