Урысей ФССП-м и управ­ленэу КъБР-м щыIэм 2025 гъэм и япэ мазихым кърикIуахэр къы­щызэщIакъуэжри адэкIэ къа­пэщыт къалэнхэр щаубзыхуащ. Республикэм и суд пристав нэхъыщхьэ Ба­­уаев Ахъмэт къыхигъэ­щащ я лэжьыгъэм зэ­рыпэлъэщыр. Илъэсыр къызэрихьэрэ сом мелард 1,9-рэ ирагъэпшына­щ, 20­24 гъэм и апхуэдэ лъэхъэнэм ебгъапщэмэ, ар сом мелард 0,4-кIэ нэхъыбэщ.

Гулъытэ хэха хуащIащ ба­лигъ мыхъуахэм я хуиты­ныгъэхэр зэфIэгъэувэжы­ным. Хэгъэзыхьа Iэмалхэм я фIыгъэкIэ, ахэр зыхуей хуэгъэзэным хуаутIыпщащ сом мелуан 265-рэ, илъэс кIуам и япэ мазихым еплъытмэ, процент 17-кIэ нэхъыбэ. 
Мазихым къриубыдэу ­къулыкъум и лэжьакIуэхэм административнэ жэуапым ира­шэлIащ хабзэр уэим зы­щIа цIыху мини 5-м щIигъу, уголовнэ жэуапым – 170-рэ, абыхэм ящыщу 155-м алиментхэр тыным зыпыIуа­дзырт.
ЗэIущIэм щытепсэлъы­хьащ судхэм я лэжьыгъэр­ ягъэува пщалъэм иту екIуэ­кIыныр къызэгъэ­пэщы­ным.­ Къапщтэмэ, суд приставхэм шынагъуэншагъэр къыщызэрагъэпэщащ суд зэIущIэхэу мини 10-м щIигъум, хуит ямыщIхэр щIахьэ­нухэта мин 3,5-м ­щIигъу ар кърагъэхъулIакъым. Къы­зэрымыкIуэ щытыкIэхэр ­къагъэхъуакъым. 
Управленэм и къудамэхэмрэ IэнатIэхэмрэ я уна­фэщIхэм утыку кърахьащ я лэжьыгъэм и унэтIыныгъэ дэтхэнэми кърикIуа­хэр, зыхунэсахэмрэ гугъуехь ­зы­пыщIахэмрэ трагъа- щIэу. 
ЗэIущIэм и кIэухым яубзыхуащ КъБР-м щыIэ ­УФССП-м и лэжьыгъэр егъэ­фIэкIуэным хуэунэтIа Iуэхухэр, 2025 гъэм и етIуа­нэ мазихым къапэщытхэр, 

УЭРДОКЪУЭ Женя.