Къэбэрдей-Балъкъэр Респуб­ликэм и Iэтащхьэ КIуэкIуэ Казбек КъБР-м и Парламентым Зэ­ры­зы­хуигъэзам къыщыгъэлъэгъуа къалэнхэр зэрагъэ­зэщIэну щIыкIэм теухуа унафэ къыщащтащ республикэм и хабзэубзыху орган нэхъыщхьэм и гъатхэ сессиер зэрызэхуащIыж зэIущIэу абы и президиумым иригъэ­кIуэкIам.

Республикэм и Парламентым КIэлъыплъыныгъэмрэ регламентымкIэ и комитетым и унафэщI Кансаевэ Еленэ зэры­жи­IамкIэ, ар зэхалъхьащ Зэ­рызыхуигъазэм къыщыхьа Iуэху нэхъыщхьэхэр я лъабжьэу икIи Iуэху тIощIым щIигъу къызэ­щIеубыдэ. Къапщтэмэ, законопроект зыбжанэм елэжьыну, «пра­вительствэ сыхьэтхэр», ­«комитетым и сы­хьэтхэр», «стIол хъурейхэр», комитетхэм я лIы­кIуэхэр хэту щIыпIэхэм къы­­щызэ­ра­гъэ­пэщ нэ­гъуэщI зэIущIэ ­зы­уб­гъуахэр ирагъэ­кIуэкIыну яубзыхуащ.
Къэбэрдей-Балъкъэр Рес­публикэм и Парламентым и комитетхэм я Уна­фэщIхэм пщэрылъ щащIащ ягъэува къалэнхэр гъэ­зэщIа зэрыхъум теухуа хъыбар Къэ­бэрдей-Балъкъэр Республикэм и Уна­фэщIым ирагъэщIэжыну, гъатхэ, бжьыхьэ сессиехэм ­къарикIуахэм япкъ иткIэ.
Депутатхэм даIыгъа къэрал законопроектхэм ящыщщ УФ-м Админист­ративнэ хабзэр къы­зэ­пы­зыудхэм ятеухуа и кодек­сым, УФ-м и ПсэупIэ кодексым халъхьэ зэхъуэ­кIыныгъэхэр.
ЗэIущIэм апхуэдэу щы­теп­сэлъыхьащ Амур областым и Хабзэубзыху Зэхуэсым УФ-м Административнэ хабзэр къызэ-пы­зыу­д­хэм ятеухуа и Кодек­сым и 3.5, 14.14 статьяхэм зэхъуэкIыныгъэ­хэр хэлъ­хьэн и лъэныкъуэкIэ къыхалъхьа жэрдэмым, Саха Республикэм (Якутие) и Къэрал Зэхуэсым (Ил Ту­мэн) «Псыхэм зэ­ран зэрахуэхъуам папщIэ тралъхьэ тезырхэр зыхуэдизынур­ ­убзыхуным и IуэхукIэ» УФ-м и ­Правительствэм къыдигъэкIа уна­­фэм зэ­хъуэкIы­ныгъэхэр хэлъ­хьэ­ным, Къуэ­кIыпIэ Жыжьэ щIыналъэм и псэупIэ-комму­нальнэ IэнатIэм папщIэ гъэсыныпхъэ-энергетикэ пкъыгъуэхэр зэ­ры-хуау­тIыпщ щIыкIэр зэ­кIэ­лъы­гъэ­кIуэн Iуэхум теу­хуауэ УФ-м и Прави­тельс­твэм зэрызыхуигъэзам.