КъМР-ни Башчысы Казбек Коков Къабарты-Малкъар Республикада Наркотиклеге къажау комиссияны жыйылыуун бардыргъанды. Анда наркотиклени, психотроп затланы неда алагъа ушагъанланы, кючлю эмда жангы къоркъуулу психоактив веществоланы законсуз хайырланыугъа къажау ишни бардырыуну сорууларына къаралгъанды.

Дагъыда сёз школчуланы бла студентлени араларында, ол санда маданиятны бла спортну махкемелеринде юйреннгенлени араларында наркоманияны алгъадан болдурмауну эмда наркотиклеге къажау кёз къарамланы къурауну юсюнден баргъанды.
Андан сора, Къабарты-Малкъар Республиканы Терроризмге къажау комиссиясыны жыйылыуу да ётгенди. Анда право низамны сакълау, кюч структураланы таматалары бла бир ненча магъаналы соруу сюзюлгенди. Алып айтханда, сёз аскер комиссариатланы къоркъуусузлукъларын эмда терроризмден сакъланыуларын жалчытыуну, террорист чабыууллукъланы юсюнден ётюрюк билдириулени болдурмауну юсюнден баргъанды. Андан сора да, повесткагъа террорист къауумланы къуралыуларыны сылтауларын кетериу эмда аланы къуралыу болумларын ачыкълау эмда профилактика ишни кючлеу соруула чыгъарылгъандыла.