Россей Федерацияда илмуну эмда технологияланы онжыллыгъын бардырыуну чеклеринде РАН-ны Къабарты-Малкъарда илму арасыны Эл мюлк институту къурап, Терк районда «Кюзлюк къылкъылы культураланы хайырлы жангы сортлары» деген семинар ётгенди. Анга алимле эмда специалистле, АПК бёлюмден организацияланы эмда къырал ведомстволаны келечилери, эл мюлкде къармашханла къатышхандыла. Ол санда мирзеуню П. П. Лукьяненко атлы миллет арасыны урлукъчулукъ бёлюмюню, суу маталлы семиртгичле чыгъаргъан «Полидон Агро» фирманы адамлары да бар эдиле.

Институтну эмда сагъынылгъан араны келечилери мирзеу ёсдюрюучюлеге сынам тийреде битген кюзлюк будайны – 46, тритикалени – 8 эмда аллай арпаны – 4 сортларын кёргюзтгендиле, аланы Шимал Кавказда къалай хайырланыргъа боллугъун да ангылатхандыла.

КъМР-де Эл мюлк институт, Лукьяненко атлы миллет ара бла бирге къылкъылы битимле бла байламлы селекция-урлукъчулукъ ишни 50 жылдан артыкъ бардырадыла.

Омарланы Мурат.