КъБР-м и Парламентым ще­кIуэкIащ илъэс бжыгъэ куэд ­хъуауэ зи IэнатIэм псэ хьэлэлкIэ пэрыту республикэм и зыужьыныгъэм хуэлажьэ цIыхубэр щагъэлъэпIа зэIущIэ гуапэ. УФ-м и Федеральнэ Зэхуэсым ФедерацэмкIэ и Советым, КъБР-м и Парламентым я щIыхь тхылъхэр зыхуагъэфэща цIыху 50-м щIи­гъум яритыжащ Парламентым и УнафэщI Егоровэ Татьянэ. 
Къызэхуэсахэм защыхуигъа­зэм, КъБР-м и Хабзэубзыху орган нэхъыщхьэм и УнафэщIым жи­Iащ:
- Нобэ Парламентым къыбгъэдэкI дамыгъэхэр еттыну къедгъэблэгъащ IэнатIэ зэмылIэу­жьы­гъуэхэм ехъулIэныгъэш­хуэ­хэр щы­­зыIэрызыгъэхьахэр. Куэд щIакъым КъБР-м и Iэтащхьэм КъБР-м и Парламентым Зэры­зыхуигъазэрэ, абы республикэ УнафэщIым щыжиIащ, дызэрыт зэманым щыIэ гугъуехьхэм емы­лъытауэ, республикэр ипэкIэ зэ­рыкIуатэр. Экономикэм зэпIэ­зэрыту зеужь, абы и фIыгъэкIэ республикэм и мылъкум хохъуэ, ахэр сэбэп мэхъу псэуныгъэм ехьэлIа Iуэхухэр зэфIэхынымкIэ, щIыналъэм и зэIузэпэщыныгъэр егъэфIэкIуэнымкIэ, цIыхухэм я псэукIэр нэхъыфI щIынымкIэ.

А псом фэри фи фIыщIэ хэлъщ. Нобэ Парламентым къы­ф­­­хуигъэфэщэну дамыгъэхэр республикэм и Iулы-джыр нэхъри Iэтыным фи гуа­щIэ зэрыхэфлъхьэм къыпэ­кIуащ. Дэ фIыуэ къыдгуроIуэ евгъэкIуэкI лэжьыгъэм Къэ­бэрдей-Балъкъэрым и нобэ-рей щытыкIэри и къэкIуэнури фIы хъун папщIэ мыхьэнэшхуэ зэриIэр, сыт щхьэкIэ жыпIэмэ, ди пащхьэ къит къалэн инхэр дызэрыщIэу, дызэдэлажьэу ­зэ­­фIэтхын хуейуэ аращ. Фэ фщыщ дэтхэнэ зыми ещIэ и ­IэнатIэм щиIэ ехъулIэныгъэр республикэпсо зыужьыныгъэм и Iыхьэу зэрыщытри. 
Шэч хэлъкъым зэвгъэхъулIахэр гуащIэдэкI псэхьэлэлым, лэ­жьыгъэм гурэ псэкIэ фы­зэрыпэрытым къызэрыпэ­кIуам. ИкIи си фIэщ мэхъу фи лэжьэгъухэм я мызакъуэу, Iэ­натIэ пэрыхьагъащIэ щIалэ­гъуалэми щапхъэ фазэрыхуэхъур. 
Сигуми си псэми къабгъэ­дэкIыу фIыщIэ фхузощI икIи  щы­хьэт сытохъуэ зыхуэвгъэувыжа мурадым ерыщу фы­зэ­рыхуэкIуэм, Iэзагъышхуэ ­зэрыв­бгъэдэлъым, къару мы­кIуэщI зэрыфхэлъым Урысейми ди ресубликэми я зы­­­­жьы­ныгъэм сэбэп хуэхъуну ехъу­лIэныгъэ куэд къызэ­рып­э­кIуэнум. 
КъБР-м и Парламентым и УнафэщI Егоровэ Татьянэ  зэIущIэм щагъэлъэпIахэм ехъуэ­хъуащ узыншагъэ бы­дэ, насып,  мамырыгъэрэ зэIузэ­пэ­щы­ны­гъэрэ яIэну. 
КъБР-м и Парламентым и щIыхь тхылъхэр иратащ къэрал къулыкъущIапIэхэм, щIыпIэ самоуправленэхэм я лэжьа­кIуэ­хэм, хабзэхъумэ, егъэ­­джэ­ны­гъэ, узыншагъэр хъумэн, ­мэ­къу­мэш, щэнхабзэ, спорт, ­хъы­бар­егъащIэ IэнатIэхэм  къы­­щы­­хэжаныкIахэм. 
Апхуэдэуи КъБР-м и Парламентым щыщу УФ-м и Федеральнэ Зэхуэсым ФедерацэмкIэ и Советым и щIыхь тхылъхэр зыхуагъэфэщахэм яритыжащ Егоровэ Татьянэ. 
ЗэIущIэм хэтахэм зэгъусэу сурэт зытрагъэхащ. 
КъБР-м и Парламентым и пресс-IуэхущIапIэ.