Къабарты-Малкъар къырал аграр университетни агрономия бёлюмюню окъуучулары, тёреде болгъаныча, студент къауум къурап, тирлик жыйыугъа къатышадыла. Арт кезиуледе аланы асламысында «Басханны бахчалары» биригиуню бёлюмюне – «Питомник ара» ООО-гъа чакъырадыла. Бу компания аграр вуз бла эрттеден бери шуёхлукъ жюрютеди, жыл сайын университетни тауусханланы бир къаууму уа анда ишге орналадыла.
Агрономия бёлюмню деканы Беслан Бесланеев айтханнга кёре, жаш адамлагъа ол уллу предприятияны иши бла ичинден шагъырей болургъа, тирлик жыйыуну энчиликлерине тюшюнюрге ахшы амал болгъанды.
РФ-ни Эл мюлк министерствосу регионла бла бирге келир тирлик жыйыу кезиуде неллай бир адам излениригин тергегендиле. Ведомствода айтханларына кёре, жемиш бла наныкъ жыйыуда – 50, кёгет жыйыуда уа эм азындан 60 минг ишчи керек боллукъду.

Улбашланы Мурат.