Мэзкуу областым щыIэ Домодедовэ къалэм щекIуэкIащ Урысей Федерацэм универсальнэ зэзауэмкIэ и чемпионат. Абы хэтащ ди къэралым и щIыналъэхэм ящыщу 37-м я спортсмен 200-м щIигъу икIи, ди гуапэ зэрыхъущи, Къэбэрдей-Балъкъэрым и командэм, нэгъаби хуэдэу, гупхэм я зэпеуэм япэ увыпIэр къыщихьащ.

Щхьэзакъуэ зэхьэзэхуэхэм япэ увыпIэхэр щаубыдащ Хьэвэящхьэ Елдар (кг 65-рэ), Хьэсанэ Мурат (кг 85-рэ), Урыс Мухьэмэд (кг 85-рэ) сымэ. Дыжьын медалхэр къахьащ Бейтыгъуэн Анзоррэ (кг 85-рэ) ДыщэкI Муратрэ (кг 85-рэ).  Килограмм 60 зи хьэлъагъхэм я деж ещанэ щыхъуащ Къуэдзокъуэ Марат.

Иджы ди щIалэхэм къапэщылъщ мы гъэм жэпуэгъуэм и 31-м щегъэжьауэ щэкIуэгъуэм и 3 пщIондэ Хьэрып Эмират Зэгуэтхэм я Дубай къалэм щекIуэкIыну дунейпсо чемпионатым я зэфIэкIхэр щагъэлъэгъуэну.

Командэм дэлажьэр Бейтыгъуэн Руслан, Тхьэщыгъуей Анзор, Хьэщыкъуей Артур сымэщ.

НАУРЫЗЫКЪУЭ Ислъам.