Орус тилни халкъла аралы кюнюне росгвардиячыла да къатышхандыла. Аскерчиле Нальчикни 12-чи номерли библиотекасында бардырылгъан «Жангыдан Пушкинни окъуйбуз» деген жумушлагъа къошулгъандыла. 

 Росгвардиячыла орус адабиятны классигини назмуларын окъугъандыла, сюйген жигитлерини сыфатларын кёргюзтгендиле. 

- Бу жумушла Александр Пушкинни туугъан кюнюнде бардырылгъанлары магъаналыды.  Аны чыгъармалары Россейни ауазы болгъандыла, адабиятны мурдорун салгъандыла.  Аны бла бирге  кёп тёлюлеге маданиятны, намысны, адепни белгиси болгъанлай турадыла, тарыхыбызны, тёрелени сакълауну амалыдыла,-дегенди акциядан сора сержант Заира Гаджиханова.

токъланы Фатима хазырлагъанды.