Кёп жылла мындан алда алыннган суратдан юч тёлю къарайды бизге: аппа-амма, ата-ана, сабийле, туудукъла да.

Сол жанында абадан эр киши Текуланы Алийни жашы Шамилди. Абадан тиширыу – аны юйдегиси Атмырзаланы Махайны къызы Мадинахан. Ала дуниядан кетгендиле. Жаннетли болсунла.

Экинчи тизгинде сол жанындагъы тиширыу Шамилни къызы Аслижанды. Аны онг жанындагъы эр киши Шамилни жашы Магометди. Магометни онг жанындагъы уа аны тамата къарындашы Тахирди. Къыйырдагъы тиширыу -аны юйдегиси Додуланы Кулизар. Сабийле уа Шамилни туудукъларыдыла.
Суратны редакциягъа Тахир келтиргенди. Бюгюнлюкде ол да жыл саны келген адамды. «Сагъышлы кюнлеримде, бу суратха къарай, атамы, анамы эсиме тюшюре туруучума», - дейди ол.

Османланы Хыйса.