Эм тирилеге – бийик багъа

КъМР-ни Правительствосуну Председатели Мусукланы Алий «Жылны экспортёру 2024» битеуроссей конкурсну республикалы даражада хорлагъанланы саугъалагъанды. Анга уа алты номинацияда айырмалыла тийишли болгъандыла.

Алай бла промышленность бёлюмде - «Терекалмаз» АО, аш-азыкъ промышленность жаны бла уа «Нальчик-Сладость» биригиу хорлагъандыла. Агропромышленность жаны бла - «Отбор» урлукъчулукъ ара, бийик технологиялы бёлюмде уа «Антиград» ООО айырмалыла болгъандыла. «Прорыв года» номинацияда «Империал» хорлагъанды, «Эм иги экспортёр тиширыу» деген атны уа «Эльбрус-К» эмда «Фрукт сити» предприятияланы келечилери юлешгендиле.

Шёндюгю къыйын экономика болумлада ишлерин бардырыргъа бла айнытыргъа амал табып кюрешген, республиканы экспорт онгларын да кючлендирген предпринимательлеге Мусукланы Алий ыразылыгъын билдиргенди. «Юч жыл мындан алгъа, тышындан салыннган чеклениулеге да къарамай, республиканы экспортёрлары, онг табып, шуёх къыралла бла сатыу-алыуну кёбейтгендиле. Мындан арысында да жетишимли болуругъузгъа ышанама», - дегенди ол.

Озгъан жылны эсеплерине къарагъанда, Къабарты-Малкъарда буруннгу жылдан эсе 50 процентге кёп экспорт сатыу-алыу этилгенди. Тышына асламысында аш-азыкъ продукция жибериледи.
«Жылны экспортёру» битеуроссей конкурс жыл сайын бардырылады. Аны регион кезиуюнде хорлагъанла ахыр кесегине къатышырыкъдыла. Къыралны айырмалы экспортёрларын а Москвада ётерик «Россейде чыгъарылгъанды» деген халкъла аралы форумда саугъаларыкъдыла.

Улбашланы Мурат хазырлагъанды.

Поделиться:

ЧИТАТЬ ТАКЖЕ:

12.07.2025 - 14:30

«Жулдузчукъда» къоркъуусузлукъну дерслери

Белгилисича, жай  каникулларын  къызчыкъланы бла жашчыкъланы иги кесеги  республиканы  солуу лагерьлеринде, базаларында  ётдюредиле.

12.07.2025 - 09:03

Бек бийик чын

Совет Союзну Генералиссимусу деген чын 1945 жылда кийириледи. СССР-де анга тийишли жаланда Иосиф Сталин болгъанды.

12.07.2025 - 09:03

Хунерин даражалы эришиуде ачыкъларыкъды

Мечиланы Кязим атлы маданият фондну мурдорунда кезиуден-кезиуге сынамлы устазла, юйретиучюле да жыйылып, бир бирлерине ишлеринде хайырланнган жангычылыкъланы, хайырлы амалланы юслеринден сёлешиу ах

12.07.2025 - 09:03

Насып намыслыны сайлар

Юйюр – жашауну тутуругъуду, дейдиле. Кертиси бла да, ол алайды. Адам улусу акъылбалыкъ болгъандан тебиреп эр киши, тиширыу болса да, чынг аллын юйюр къайгъысын этедиле.

11.07.2025 - 09:03

Бир бирлерин таныгъандыла, шуёх болгъандыла

КъМР-де Миллетлени ишлери эм жамауат проектле жаны бла министерствосу къурап, бу кюнледе Минги тауну тийресинде Къабарты-Малкъар къырал университетни солуу базасында абадан классланы окъуучуларыны