КъБР-м и Iэтащхьэ КIуэкIуэ Казбек «Урысей зэкъуэт» партым и лIыкIуэу УФ-м и Къэрал Думэм щыIэ депутат Родинэ Викторие лэжьыгъэ IуэхукIэ хуэзащ. 

Президентым игъэува къалэнхэр зэрагъэзащIэм ипкъ иткIэ, Къэбэрдей-Балъкъэрым ­социальнэ, щIалэгъуалэ политикэр зэрыще­кIуэкIым тепсэлъыхьащ зэIущIахэр. Къинэ­мыщIауэ, цIыхухэм я щхьэ IуэхукIэ зыкъы­зэрызэхуагъазэ лъэIухэр зэгъусэу хузэфIагъэкIынымкIэ зэгурыIуахэщ. 
Гулъытэ щхьэхуэ хуащIащ дзэ Iуэху хэхам хэтхэм, абы и ветеранхэмрэ я унагъуэхэмрэ зэрызыщIагъэкъуапхъэм. Викторие Сергей и пхъум Iэтащхьэр щыгъуазэ ищIащ а лъэны­къуэмкIэ щIэуэ къащта хабзэхэм. Ахэр епхащ медицинэ дэIэпыкъуныгъэм, дзэ Iуэху ­хэхам ­хэтхэм IэщIагъэ, щIэныгъэ, лэжьыгъэ зрагъэ­гъуэтыныр ящыгъэпсынщIэным. 
Депутатыр школ зыбжанэм щыIащ, псалъэм папщIэ, еджакIуэ 500 щIэхуэу Прималкинскэ ­къуажэм дызэрыт зэманым щаухуэм. 
 КIуэкIуэ Казбек Родинэ Викторие фIыщIэ ­хуищIащ ди республикэми къэралми щыпсэу­хэм я псэукIэр ефIэкIуэн, хабзэубзыху лэжьыгъэу зэфIигъэкIхэм папщIэ. ЕхъулIэныгъэ иIэу и IэнатIэр ирихьэкIыну ехъуэхъуащ.