КъМР-ни От тюшюуге къажау-къутхарыу службасыны бёлюмлерини башчыларыны араларында эм игини сайлагъандыла. Эришиуле Залукокоажеде 9-чу номерли бёлюмде бардырылгъандыла. Аны юсюнден КъМР-ни От тюшюуге къажау-къутхарыу службасыны келечиси Арсен Сабанов билдиргенди.

 Алай бла бёлюмлени таматалары кеслерини борчларын къалай толтургъанлары, документлени бардыргъанлары тинтилгенди, дагъыда ала физкультура жаны бла хазырлыкъларын да кёргюзтгендиле.

Биринчиден,  теорияны къалай билгенлерин, андан сора уа от ёчюлтюучюню кийимлерин ким терк киеригин да сынагъандыла. Ахырында автоцистернаны сууну къатына салып, алайдан отну ёчюлтюрге керек эдиле. Бёлюмлени башчылары барысы да хорлам ючюн сынауларын, билимлерин аямагъандыла.   Алай айырмалы уа ахыргъы эришиуледе ачыкъланнганды – от ёчюлтюуде хайырланылгъан оборудованияны чачып.

Былайда зольскечиле башхалагъа алчылыкъны бермегендиле. Битеу жарауладан сора 9-чу номерли бёлюмню  таматасы Исмаил Карданов биринчи болгъанды. Ол бу эришиуледе ючюнчю кере  хорлагъанын айтырчады.

Тикаланы Фатима хазырлагъанды.