Бюгюн Минеральны   Воды шахарда Кавказ инвестиция форумну аслам иш программасы бардырылады. Ары уллу корпорацияланы, сатыу-алыу бла кюрешген биригиулени эмда къырал органланы келечилери къатышадыла. Андан сора да/, форумда экспертле эм энчи информация изданияладан   журналистле бардыла. Аны юсюнден КъМР-ни Башчысы Казбек Коков кесини телеграм-каналында билдиреди.

-Къабарты-Малкъардан форумгъа республиканы 200-ден жууукъ компаниясы къатышады. Ала асламысында турист-рекреация комплексни, агропромышленность эм жарашдырыучу бёлюмлени кёргюзтедиле. Республиканы стендини къатына келгенле эл мюлкде уруннганла эм промышленность предприятияла чыгъаргъан продукция бла шагъырейленедиле.

Форумну пленар жыйылыууна, тематикалы сессияларына къатышыргъа   эмда къауум ишчи тюбешиу бардырыргъа мурат этеме, деп айтылады билдириуде.