Черек бла  Зольск районлада жашагъанла бир бирлери бла къарындаш байламлыкъ жюрютгенли иги кесек жыл болуп келеди. Бу кюнледе уа  ала  сейирлик акцияны да бардыргъандыла. Ол биринчи кере озгъан жылда болгъанды эмда кёплеге ахшы юлгюдю. Сёз къан бериуню юсюнден барады.

Быйыл анга эки районну да администрацияларында,  окъуу юйлеринде эмда медицина учрежденияларында ишлегенле къатышхандыла.

Жюзден артыкъ адам  отуз беш литр къан бергенди. Бу огъурлу иш жандауурлукъну чеклеринде бардырылгъанды. Алай бла ол  эки да къарындаш районну бир бирлери бла къаты байламлыкъларыны эмда бирликлерини белгиси  болгъанды.

Холаланы Марзият.