Накъыгъэм и 13-р Урысей МВД-м и хъумакIуэ-конвой къулыкъур къыщы­зэрагъэпэща махуэщ. Абы теухуа зэIущIэ гуапэ щекIуэкIащ КъБР-м щыIэ МВД-м. Къэрал кIуэцI IуэхухэмкIэ министру республикэм щыIэ Крючков Вячеслав я махуэмкIэ ехъуэхъуащ а IэнатIэм и лэжьакIуэхэм, къыхэжаныкIахэм гулъытэ яхуищIащ. 

Полицэм и генерал-майор Крючков Вячеслав ФIыщIэ тхылъыр IэщIилъ­-хьащ КъБР-м щыIэ МВД-м жылагъуэ хабзэр хъумэнымкIэ и полицэм и уна­фэщIым и къуэдзэ, полицэм и полков­ник Шаваев Арсен.
Къызэхуэсахэм защыхуигъазэм, Крюч­ков Вячеслав къыхигъэщащ министерствэм къыхуагъэува къалэнхэр зэ­фIэхынымкIэ а IэнатIэм и лэжьа­кIуэхэм я лэжьыгъэм мыхьэнэшхуэ зэриIэр. 
- Махуэ къэс лэжьыгъэм къыщывогъэлъагъуэ фи IэщIагъэм фIыуэ зэры­хэфщIыкIыр, фызэрыхуэIэзэр. Си гуа­пэщ лэжьакIуэхэми ветеранхэми узыншагъэ быдэ, насыпрэ унагъуэ зэIузэ­пэщыгъэрэ фиIэну. ФIыщIэ фхузощI фи лэжьыгъэм папщIэ! - къыхигъэщащ министрым. 
Iуэхум пащэу, КъБР-м щыIэ МВД-м, Урысей МВД-м и район къудамэхэм я ­хъумакIуэ-конвой къулыкъум и лэжьа­кIуэхэу зи къалэнхэр хьэлэлу зыгъэзащIэхэм, ехъулIэныгъэхэр зыIэрызыгъэ­хьахэм щIыхь тхылъхэр иратащ. 

УАРДЭ Жантинэ.