Бу кюнледе Махачкъалада джутайдодан Россейни биринчи чемпионаты бошалгъанды, анга 18 региондан 500-ден аслам спортчу къатышхан эдиле.

Анда республикабызны спортчулары жетишимли болгъандыла, ала битеу да 8 алтын, 2 кюмюш эмда 9 доммакъ майдал къытхандыла. Кеслерини бёлюмлеринде эм ауурлукъ къауумларында алчы жерлеге Ислам Маремкулов, Байрамукъланы Рашит, Андемир Шогенцуков, Данис Хакиев, Байтуугъанланы Имран, Азаматланы Алан, Рустам Казанов чыкъгъандыла. Аланы барысын да тренер Мухамед Дышеков хазырлагъанды.

Эсгертиу: джутайдо аскер искусствону жангы тюрлюсюдю, мурдору кёкусинкайдан алыннганды, приёмлары асламдыла, къаршчы спортчуну башына урургъа, жыгъылгъанда, сермешни тохтатмазча, ачытыу амалланы да хайырланыргъа эркин этиледи.      

Кульчаланы Зульфия.