КъМР-ни Башчысы Казбек Коков къарындаш Къарачай-Черкес Республикада жашагъанланы къарачай халкъны жангырыу кюню бла алгъышлагъанды. Аны юсюнден республиканы оноучусу кесини телеграм-каналында билдириу этгенди.

-Жюрегими теренинден Къарачай-Черкесни Башчысын  Темрезланы Рашидни эм республикада жашагъанланы байрам бла алгъышлайма.

Жангырыуну кюню къарачай халкъны жигитлигини бла кишилигини эм эркинликге итиниулюгюню белгисиди.  Кёчкюнчюлюкню кезиуюнде битеу сынагъан къыйынлыкълагъа да къарамай, халкъ туугъан жерине къайтханды, кесини буруннгудан келген тёрелерин, ана тилин, маданиятын да сакълап.

Бюгюнлюкде Къарачай-Черкес Республиканы урунургъа сюйген халкъы Президентибиз Владимир Путинни башламчылыгъы бла жашауда бардырылгъан миллет проектлени эмда регион программаланы жетишимли тамамлайды, тохтамагъанлай эм чыныкъмагъанлай алгъа барыуну юлгюсюн кёргюзтеди.

Къарындаш Къарачай-Черкесни аскерчилери энчи аскер операция бардырылгъан жерледе бизни жерлешлерибиз бла билекден-билекге эм Россейни битеу регионларындан къатышхан жашла бла Ата журтну къоруулау бла байламлы къаты кюрешни бардырадыла.

Къарачай халкъ къыралда эмда кеси жашагъан республикада жетишимли алгъа барады,  Ата журтубуз андан да кючлю болур ючюн иги къошумчулукъ этеди.

Жюрегими теренинден битеу Къарачай-Черкес Республикада жашагъанлагъа тутхучлу айныу, огъурлулукъ, монглукъ эмда ырахатлыкъ тежейме, деп айтылады билдириуде.