|
|
Тиширыуланы къайгъысын кёрюп
28 апреля, 2025 - 06:24
Къабарты-Малкъарда эки жылны ичинде тиширыулагъа къарагъан жети консультация ара ишленирикди. Аланы бир къаууму медицина организацияланы мурдорларында къураллыкъдыла, деп билдиргендиле КъМР-ни Саулукъ сакълау министерствосуну пресс-службасындан.
КъМР-ни саулукъ сакълау министри Рустам Калибатов айтханнга кёре, «Юйюр» деген жангы миллет проектге кёре, тиширыулагъа амбулатор-поликлиника эм багъыу-профилактика жаны бла тийишли болушлукъ тапдырылырча, къошакъ халда жети учреждение къураллыкъды. Аладан тёртюсю - районлада, къалгъан ючюсю уа Нальчикде орналлыкъдыла. Ол санда консультацияладан ючюсю хазыр кабинетледе борчларын быйыл толтуруп башларыкъдыла. Башхала да модуль мекямлада ачыллыкъдыла.
Бюгюнлюкде республикада сагъынылгъан араладан онючюсю барды. Жангы учрежденияланы юслеринден айтханда, жангы арала жангы медицина оборудование бла жалчытылынырыкъдыла. Бюгюнлюкде окъуна алагъа оборудование алынырча мадар этиледи, ол санда эксперт класслы УЗИ аппаратла эм кардиотокографла да.
- Модуль мекямланы къурулушларын бардырыуну юсюнден биз къыралда биринчи болуп келишим этгенбиз. Ол себепден къурулуш ишлени келир жыл болжалдан алгъа бошаргъа боллукъбуз. Аны хайыры бла элледе тиширыуланы саулукъларына тийишли халда эс бурулурча этерге эмда демография болумну игилендирирге къолдан келликди, - дегенди Рустам Калибатов.
 |
|
16.05.2025 - 09:50 Арт жыллада кёп жерлешлерибиз Россейни башха-башха шахарларында ишге тохтайдыла, жетишимли болуп, атларын иги бла айтдырадыла. Бу хапарыбыз Созайланы Борисни къызы Халиматны юсюнденди. |
 |
|
16.05.2025 - 09:47 Черек районну Бабугент элинде «Чинарчыкъ» сабий садда гитчеликден окъуна да балачыкъланы туугъан жерлерин сюерге, багъаларгъа юйретедиле. |
 |
|
16.05.2025 - 09:23 Огъары Жемталаны амбулаториясыны медсестрасы аллына келген хар саусузгъа керекли сёз табып, аурууун да селейте биледи. Ол жылла бла къуралгъан сынамыны, тутхан ишине сюймеклигини себебиди. |
 |
|
15.05.2025 - 15:59 Уллу Ата журт урушда Хорламгъа 80 жыл толгъанына атап, РусГидро компанияны Къабарты-Малкъарда бёлюмюню келечилери Хара-Хора тауну тёппесине ёрлеп, анда Хорламны Байрагъын эмда компанияны белгисин о |
 |
|
15.05.2025 - 09:16 Кёп болмай Чегем муниципал районну администрациясыны башчысы Юра Борсов, районну прокурору Созайланы Тахир эм следствие управленияны бёлюмюню таматасы Геккиланы Тимур, башхала да Уллу Ата журт у |
|
