Шабат кюн Къабарты-Малкъарны футболдан сабий къыш чемпионатыны финалы «Пять колец» деген спорт академияны майданында ётгенди. Анда алтын ючюн «Яникой-1961» футбол къауум бла Нальчикден «Апшевни Академиясыны» 12-13-жыллыкъ футболчулары эришгендиле.

Оюнну эки кесеги да 25 минут ётгенди. Алгъадан да яникойчула алчылыкъны ычхындырмай кюреш бардыргъандыла. Бир кезиуде эсеп 2:2 болса да, оюнну экинчи кесегинде ала дагъыда 2 гол уруп, хорлам болдургъандыла. 

Алай бла тренер Малкъондуланы Мунирни командасы быйылгъы чемпионатны Кубогуна бла алтын майдалларына тийишли болуп, эллилерин къууандыргъанды. Команда ючюн къайгъыра уа ол кюн кёп адам келген эдиле. Ала бары да жаш футболчуланы быллай биринчи уллу жетишимлери бла алгъышлагъандыла.

Таппасханланы Аминат.