Урысей Федерацэм футболымкIэ и етIуанэ лигэм и «Б» дивизионым и Япэ гупым мы гъэм щекIуэкIыну зэхьэзэ-хуэм хэтынухэмрэ щыщIидзэнумрэ зэхагъэкIащ. Абы ипкъ иткIэ «Спартак-Налшыкым» зэпеуэр Ставрополь къалэм щригъэжьэнущ, щIыпIэ «Динамо»-м гъатхэпэм и 22-м щыIущIэнурэ. 

Налшыкдэсхэр зыхэхуа гупым щыджэгунущ командэ 14: «Астрахань» (Астрахань), «Кубань-Холдинг» (Павловскэ рай­он), «Рубин Ялтэ» (Ялтэ), «Ангушт» (Нэзрэн), «Ростов-2» (Дон Iус Ростов), «Динамо Ставрополь» (Ставрополь), «Легион» (Мэхъэчкъалэ), «Динамо-2» (Мэхъэчкъалэ), «Победа» (Хасавюрт), «Спартак-Налшык» (Налшык), «Дружба» (Мейкъуапэ), «Нарт» (Черкесск), «Сочи-2» (Сочэ), «Севастополь» (Севастополь). ЗэрыхуагъэфащэмкIэ, зэхьэзэхуэм и япэ Iыхьэм, зыр адрейм деж кIуэурэ, ахэр тIорытIэ зэдэджэгунущ. ИтIанэ япэ - еханэ увыпIэхэр зыубыдахэр зэ къекIуэкIыгъуэкIэ бжьыпэм щIэбэнынущ, ищхьэкIэ дэкIуэтеин папщIэ. Адрейхэр гупым къыхэнэным иризэныкъуэкъунущ. 
Зэхьэзэхуэм щIидзэным къэнэжа щыIэкъым. А зэманыр нэсу къызэрагъэсэбэпыным командэхэр ерыщу хущIокъу. Зыгъэсэныгъэхэм къадэкIэу абыхэм зэныбжьэгъугъэ зэIущIэхэр иджыпстукIэ ирагъэкIуэкI. Апхуэдэ зы иджыблагъэ Налшык и Сабий стадионым щызэхэтащ. Абы «Спартак-Налшыкым» къыщригъэблэгъат Хасавюрт и «Победа»-р. Ди щIалэхэр зэкIэ нэхъ хьэзыру къыщIэкIащ икIи Дагъыстэным и футболист- хэр 3:1-уэ хагъэщIащ. Налшыкдэсхэм я топитI Далиев Дени ­дигъэкIащ, ещанэр къехъулIащ зыкIэлъыплъыну кърагъэб­лэгъа щIалэм. 
«Спартак-Налшыкым» и зыгъэсэныгъэхэр иджыри зы тхьэмахуэкIэ щыIэнущ. Абы къриубыдэу иджыри зэныбжьэгъу-     гъэ зэIущIитI къапэщылъщ. Налшыкдэсхэр яIущIэнущ Черкесск и «Нартымрэ» Нэзрэн и «Ангушт»-мрэ. 
Хьэтау Ислъам.