УФ-м и Президентым и полномочнэ лIыкIуэу ­КИФЩI-м щыIэ Чайкэ Юрий дыгъуасэ лэ­жьы­гъэ IуэхукIэ Налшык щыIащ. Ар хэтащ «Лъэпкъ щIэин: цIыхубэ щэнхабзэм и тхыпхъэхэмрэ и ­макъхэмрэ» гъэлъэгъуэныгъэр къыщызэIуаха дауэдапщэм.

Гъэлъэгъуэныгъэр щокIуэкI республи­-   кэм и къалащхьэм дэт Щэнхабзэ зыужьыны­гъэмкIэ центрым. КъБР-м и Iэтащхьэ КIуэкIуэ Казбек и ­гъусэу, Президентым и лIыкIуэр еплъащ IэрыщI ­гъуазджэм хуэIэкIуэлъакIуэу щIына­-   лъэм исхэм я IэдакъэщIэкIхэм. Абыхэм ящыщ дэтхэнэ зыри лъэпкъ щIэиныр зэрыбейм, абы лъэныкъуэ зэмылIэужьыгъуэ куэдкIэ зэры­зиубгъум и щыхьэту къэуващ. Ахэр зэращIыр абдеж дыдэм щагъэува экранхэм къыщагъэлъэ­гъуащ. 
Чайкэ Юрий «Кабардинка» къэрал академическэ ансамблым и унафэщI Атэбий Игорь илъэс куэд хъуауэ и къару емыблэжу лъэпкъ щэнхабзэм и зиужьыныгъэм зэрытелажьэм папщIэ, Президентым и полномочнэ лIыкIуэм и ФIыщIэ тхылъ иритащ. Творческэ гупым 1933 гъэм лэжьэн щIидзащ икIи Кавказ Ищхъэрэм ар нэхъ ныбжьышхуэ зиIэу итхэм язщ.