Кёп болмай Къабарты-Малкъар къырал университетни ректоруну къуллугъун толтургъан Юрий Альтудов  коллегалары -  Элбрусда илму комплексни таматасы Чеченланы Борис, университетде  малкъар маданият араны таматасы Бейтуугъанланы Исмайыл,  жаш тёлю, юйретиу эм социал сорууланы жаны бла проректор  Беслан Назранов  бла бирге  КъМР-ни  халкъ поэти   Къулийланы Къайсынны туугъан элинде   болгъандыла. Аны магъанасы  КъМКъУ-ну Элбрусда билим бериу-илму комплексинде  эски таулу юй-музей салыргъады.

Къонакълагъа таулада жашауну, ол санда эски журтну энчилигини (архитектурасыны) юсюнден  Къулийланы Ибрагим хапарлагъанды. 

Быллай объектлени къурулушу бек къыйынладан бирине саналады. Жашау журтну сюерча билимден тышында  уллу сынам да керекди.   Кеси да ол  кёзню къууандырырча  жаланда   алгъыннгы материалла хайырланыргъа керекдиле.   Къулийланы Ибрагим бу жаны бла   уллу сынамы болгъаны себепли. къонакъланы тилеклерине угъай демей,  проектге башчылыкъ этерге   айтханды.

Таулу юй эм биринчи музейни борчун толтурлукъду, туристле  малкъар халкъны жашау болуму бла шагъырейленирге, тарыхны бир  шарты бла   жууукълашыргъа  онг табарыкъдыла.