Къабарты-Малкъарны Сатыу-алыу – промышленность палатасында (ТПП), ФСИН-ни регионда бёлюмюню келечилери эмда предпринимательле къатышып, кенгеш ётгенди. Анда ФСИН-ни учрежденияларында кечиннгенлени иш бла жалчытыуну, алада абери чыгъарыргъа, жумушла тамамларгъа заказла этиуню юсюнден сёлешиннгенди. Ушакъгъа ТПП-ны, УФСИН-ни, Миллет эмда художестволу усталыкъланы республикалы арасыны келечилери, «Арсатекс», «Металлтрейд», «Кровля сервис», «Промышленный инжиниринг» предприятияланы адамлары къатышхан эдиле.
Сагъынылгъан управленияны келечилери жыйылгъанланы алада болгъан мюлк-техника онгла бла шагъырейлендиргендиле, тутмакълада тургъанла къатышып къаллай ишлени эталлыкъларын да билдиргендиле. Предпринимательле да байламлыкъла къураргъа угъай демегендиле, ол жаны бла оюмларын алайда окъуна туура этгендиле. Анга кёре эки жаны да бу ишни къолгъа алыргъа оноулашхандыла.

Улбашланы Мурат.