«Хэкум и хъума­кIуэкIуэ­хэр» Урысей фондым­рэ Уры­сейм и но­тариаль­нэ палатэмрэ УФ-м и Жыла­гъуэ палатэм иджыблагъэ щрагъэкIуэкIащ «Нотариат Рос­сии на службе Отечества» зэIущIэр. 

«Хэкум и хъума­кIуэхэр» фон­дым и гъэзэ­щIа­кIуэ уна­фэщI Хабаров Юрий Урысейм и нотариусхэм фIы­щIэ яхуищIащ СВО-м хэтхэм, абы и ветеранхэм, къулыкъум пэ­рыту хэкIуэдахэм я уна­гъуэ­хэм къэрал хабзэхэмрэ  я ­хуи­ты­ныгъэхэмрэ теухуауэ ­зэ­ра­д­э­Iэпыкъум, чэнджэщ ­Iуэ­хут­хьэб­зэхэр пщIэ­н­­шэу зэ­­ры- ­ра­тым къыхэкIыу. 
- Псори зэхэту а IуэхумкIэ «Хэкум и хъума­кIуэхэр» фондым зыкъыхуа­гъэзащ тхыгъэ мелуанитIым щIигъукIэ. Зыкъызэрыхуагъэзахэм я процент 91-р зэфIэдгъэкIащ. Тхыгъи 179-р юридическэ Iуэхутхьэбзэхэм ехьэ­лIат. ИкIи федеральнэ нотариальнэ палатэм абыхэм ящы­щу 173-р зэфIихащ. Нотариальнэ палатэм и лэжьа­кIуэхэр зэпыу ямыIэу япы­щIащ СВО-м хэтахэм. Ди фондым и IуэхущIапIэм деж ветеранхэм папщIэ юридическэ Iуэхутхьэбзэхэр щызэ­фIах. Нотариусхэм я Iуэхут­хьэбзэ зыIэрагъэхьэну Iэмал ягъуэтащ сымаджэщ­хэм щIэлъ сэлэтхэми, - жиIащ Хабаровым. 
Федеральнэ нотариальнэ палатэм и унафэщI Корсик Кон­стантин къыхигъэщащ СВО-м хэт е абы и ветеран цIыху мин 290-м апхуэдэ Iуэхутхьэбзэ 2024 гъэм къриубыдэу зэрыхуащIар. 
ЗэIущIэм щытепсэлъыхьащ СВО-м щыIэхэмрэ ветеранхэмрэ къайхьэлIа къэрал хабзэхэм, абы теухуауэ юристхэр зрихьэлIэ гугъуехьхэм. Ап­хуэ­дэщ Украинэм щекIуэкI дзэ Iуэху хэхам къулыкъу щрихьэкIыу хэкIуэдам и мылъкур абы и унагъуэм яIэрыхьэ­жы­ным епхахэр. Сэлэтыр зэры­лIам щыхьэт техъуэ тхылъым зы илъэс-мазэ - махуэ пыу­хы­к­Iа итрэ, актыр щатха, щыхьэт тхылъыр щатыжа махуэр абы темыхуэу къэгъэлъэгъуамэ, лъэпощхьэпохэр къыщрикIуэ щыIэщ. ХэкIуэдам и мылъкур абы и унагъуэм зэрыIэрыхьэн хуей мазих пIалъэр икIауэ сэлэтыр зэрыхэкIуэдам и щы­хьэт тхылъыр Iыхьлым ща­Iэрыхьэжи къохъу. Абы щы­гъуэм хэкIуэдам и унагъуэм судым зыхуигъэзэнырщ къы­хуэ­нэжыр, щIэиныр къыIэ­рыхьэжын папщIэ. Мис ап­хуэ­дэ Iуэху зэхуэмыкIуэхэр гъэ­зэкIуэжыным теухуа законопроект ирагъэхьащ Къэрал Думэм. Ахэр депутатхэм елъэ­Iуащ законопроектым зэ­рыхъукIэ нэхъ щIэ­хыу гулъытэ хуащIыну. 
ЗэIущIэм хэтахэр зэгуры­Iуащ я зэпыщIэныгъэр нэхъри ягъэбыдэу зэдэлэжьэну, СВО-м хэтхэмрэ хэкIуэдахэм я унагъуэхэмрэ гулъытэ нэхъыбэ хуащIыну. 
«Хэкум и хъума­кIуэ­кIуэхэр» федеральнэ фондыр Урысей Федерацэм и Президент Путин Владимир и уна­фэкIэ къэунэхуащ. Абы и къалэн нэхъыщхьэщ дзэ Iуэху хэхам щыIэхэр, ветеранхэр, хэ­кIуэдахэм я унагъуэхэр и нэIэ щIигъэтыну, зыхуэныкъуэхэр яхуищIэну, зыкъыхуэзыгъазэ­хэм я Iуэхур игъэтэмэмыну. ЗэрыгурыIуэгъуэщи, фондыр Хэкум и хъума­­кIуэ­хэм зэра­дэIэпыкъур медицинэ, юридическэ Iуэхутхьэбзэхэм я за­къуэкъым. АтIэ щIэ­ныгъэ зрагъэгъуэтынымкIи, ­лэ­жьы­гъэ IэнатIэ къа­хузэ­гъэпэ­щы­ным­кIи, СВО-м ныкъуэдыкъуэ щыхъуахэр гъащIэм хэгъэзэгъэнымкIи гулъытэ хуащI.
ГЪУЭТ Синэ.