Энчи аскер операциягъа къатышханлагъа аталып, Псыгансуда терк шахматладан Къабарты-Малкъарны ачыкъ кубогуну биринчи кезиую бардырылгъанды. Анга бизни республикадан, Ингушетиядан, Осетиядан, Чеченден бла Ставрополь крайдан 132 инсан къатышхандыла, аланы араларында спортну халкъла аралы 10 устасы да болгъандыла.

Къабарты-Малкъардан ветеранланы араларында ючюнчю жерге Олег Дедюхин чыкъгъанды. Къызланы араларында Фатима Шахмурзова хорлагъанды, Ахматланы Амина уа «доммакъны» алгъанды. Жашлада эм кючлю Текуланы Эмир ойнагъанды.

Саугъа жерлеге чыкъгъанлагъа грамотала, кубокла, майдалла бла Къудайланы Хасандан бла Руслан Хасановдан ахча берилгендиле.

Кульчаланы Зульфия.