Индием щыщу Къэбэрдей-Балъкъэр къэрал университетым и медицинэ академием ще­джахэм я унэ ягъэзэжа нэужь къэпщытэныгъэ экзаменхэр ирагъэтыжащ хамэ хэкум щызрагъэгъуэта щIэныгъэмрэ дохутыр IэщIагъэм ахэр зэрыхуэфащэмрэ зэхагъэкIын папщIэ икIи ехъу­лIэныгъэхэр къагъэлъагъуэу абыхэм псори пхыкIащ, къитащ иджыблагъэ КъБКъУ-м и пресс-IуэхущIапIэм.

«Апхуэдэ къэпщытэныгъэ­хэр къызыпэщылъыр хамэ къэ­ралхэм медицинэм щыхуеджа Iэ­щIагъэлIхэрщ икIи абыхэм уп­хы­кIын папщIэ нэхъ мащIэ дыдэу балли 150-рэ къэпхьын хуейщ. Ди университетым къы­щIигъэкIа гупым я нэхъыбэр а мардэм щхьэдэхащ икIи абы къегъэлъагъуэ щIэныгъэ куу ди деж абыхэм зэрыщагъуэтар», - щыжаIащ КъБКъУ-м.
Индием къикIа студентхэм ещанэ курсым щегъэжьауэ егъэ­джакIуэхэм я гъусэу, FMGE программэр и лъабжьэу, къэп­щытэныгъэ тестхэр зыры­зых­хэурэ зэпкърах. Абыхэм я егъэ­джэныгъэ планым хохьэ медицинэм и дэтхэнэ унэтIыныгъэри, ирехъу ар хирургие, терапие е педиатрие, икIи абы нэхъыщхьэу хъэлъыр цIыхухэм еIэзэнымкIэ УФ-ми хамэ къэ­ралхэми я медицинэ мардэхэм тету щIэныгъэхэр ябгъэдэлъ­хьэнырщ.
Хъыбар гуапэмкIэ, къэпщы­тэныгъэ экзаменхэр я деж зэ­рыщатамкIэ Индием зыгъэзэжа IэщIагъэлIхэр къадэгуэшащ КъБКъУ-м Дунейпсо егъэ­джэ­ныгъэмкIэ и школ нэхъыщхьэм, ди деж щеджэхукIэ зыпыщIауэ щытам, и лэжьакIуэхэм. Абы­хэм фIыщIэ къыхуащIащ ди къэрал университетым щIэныгъэ куу къызэрыщыбгъэ­далъхьам­кIэ, гукъинэжу зэман дахэ куэд ди республикэм зэрыщагъэкIуамкIэ.

ХЬЭЩОКЪУЭ Алыдж.