Кёп болмай "Иш кёллю Россей" жамауат оргмнизацияны  Къабарты-Малкъарда бёлюмю,  «Свой круг» бизнес-клуб,  Рестораторланы бла  отельерлени эм къонакъбайлыкъ  индустрияны усталарыны  ассоциациясы къурап    жыл сайын берилген «Иш кёллю бийиклик» деген  бизнес-премияны саугъалау болгъанды.  

Конкурс КъМР-ни  Сатыу-алыу, промышленность палатасаны,   «Опора России» жамауат организацияны бёлюмюню, "Мени бизнесим" араны эм толтуруучу власть органланы,  «Эквивалент», «Хорека-Нальчик» , «ВИЛЛА» эм  «Дипломат» партнёрланы  болушлугъу бла бардырылгъанды. 

 «Иш кёллю бийиклик» бизнес-премия бла  жыл сайын айырмалы   предпринимательлени белгилейдиле. Былтыр отуз номинацияда экспертледен,  предпринимательледен, биригиуледен эм башхаладан  жюзден артыкъ заявка берилгенди.  

Алай бла энчи номинацияда "Иш кёллю Россей"  организацияны XVI жаш тёлю бизнес-школасыны келечилери да саугъаланнгандыла. Ол санда къол  уста Толгъурланы Мадина, бал пряникле этген  Гайыланы Татьяна, "Иш кёллю Россей" организацияны толтуруучу  таматасыны орунбасары Таумырзаланы Салидат, - экология жаны бла таза  варанье этген  Залина Блиева, "Bzoowear" бренд ат бла сабийлеге жараулу аксессуарла чыгъаргъан Марьяна Хамизова, кийимле жаны бла дизайнер, "Границы" коллекцияны автору Сулейманова Самира, дизайнер,  декоратор Кристи Нестеренко, психолог, гештальт-терапевт Олеся Эркенова, педагог,  суратчы Дарина Жекамухова,    диетолог Полина Гулевич болгъандыла.

Чыгъарылгъан эсеплеге тийишлиликде, Заммаланы Асият башчылыкъ этген «Аутус» эм  иги социал биригиуледен бирине саналгъанды. Былтыр мында 700 аслам сабий саулукъларын кючлерге  онг тапхандыла. 

Къурулуш жаны бла эм иги предприятигъа уа лифтле этген" MONOLINE" биригиу тийишли кёрюлгенди. Анга  Бетал Ивазов таматалыкъ этеди, ол ишлегенли 25 жылдан аталагъанды эм кесин сынамлы предприятияча кёргюзталгъанды.

Натальи Шевченко башчылыкъ этген ресторанланы жарашдырыу жаны бла «Хорека-Нальчик» биригиу да  эм игиледен бирине саналгъанды.

Саулай алып айтханда,  тюрлю-тюрлю номинациялада эм игилеге  48 биригиу бла эксперт саналгъандыла. Саугъаланы "Иш кёллю Россей" жамауат организацияны таматасыны орунбасары Бетал Ивазов, "Биринчилени атламы" организацияны бёлюмюню таматасы  Аслан Шипшев, КъМР-ни Парламентини депутаты  Заур Апшев, республиканы  маданиятыны сыйлы ишчиси, композитор  Анзор Хаупа,  делоросс, Шимал-Кавказ федерал округда  рестораторла бла  отельерлени эм къонакъбайлыкъ индустрия ассоциациясыны башчысы Гузейланы Индира,  Нальчик шахар округну администрциясыны ишлери жаны бла  оноучусу  Гергъокъланы Жамбулат, "Россейни алчылары" конкурсну финалисти, битеукавказны тренинг арасыны таматасы   Екатерина Борисевич,  туризм, къонакъбайлыкъ эм  санатор-курорт иш жаны бла комитетни  председатели,    «Облепиха» туризм биригиуню таматасы Ольга Варитлова эм «Ридада» ресторанны таматасы Лера Лампежева бергендиле.

Бизни корр.