ИлъэсыщIэ зыгъэпсэхугъуэ махуэ 11-м къриубыдэу Къэбэрдей-Балъкъэрым щыIащ турист мини 103,4-рэ. Нэгъабэрей бжыгъэхэм елъытауэ ар процент 12,5-кIэ нэхъыбэщ, къитащ КъБР-м Курортхэмрэ туризмэмкIэ и министерствэм. 

Псом хуэмыдэу щIэупщIэ зиIэр, цIыху нэхъыбэ дэзыхьэхыр Iуащхьэмахуэ лъапэрщ. Мы махуэхэм абы зыщагъэпсэхуащ цIыху мин 80-м икIи ар процент 14,5-кIэ ­нэхъыбэщ блэкIа илъэсым и апхуэдэ пIалъэм щыIа ­бжыгъэхэм нэхърэ. Iуащхьэмахуэ лъапэ щыIэ кIапсэ гъуэгухэмкIэ къакIухьащ цIыху мин 56-м нэблагъэм. Языны­- къуэ махуэхэм Iуащхьэмахуэ и джабэ нэкIухэм зэуэ дэкIащ цIыху мини 7-м щIигъу. 
ХьэщIэхэм я нэхъыбэм 2025 илъэсыщIэр Азау хуейм къыщрагъэхьэну нэхъ къыхахащ. Абыхэм щхьэкIэ удэзы-хьэх, гукъинэж хъун программэ гъэщIэгъуэнхэр зэхагъэу­вауэ щытащ. 
Iуащхьэмахуэ лъапэ нэмыщI, илъэсыщIэ зыгъэпсэху­гъуэ махуэхэм туристхэр щыкуэдащ «Нарзанхэм я ауз»       экопаркым, Шэрэдж, Шэджэм аузхэм.

ХЬЭЩЫКЪУЕЙ Олег.