ЯхузэфIэкIам хоплъэж

2024 гъэм и иужьрей тхьэмахуэм Къэбэрдей-Балъкъэрым СпортымкIэ и министерствэм щекIуэкIащ республикэм дзюдомрэ самбэмкIэ и бэнакIуэхэм яху­зэфIэкIахэр къыщапщытэжа зэIущIэ. 

Абы хэтащ КъБР-м спортымкIэ и министр Хьэсанэ Ислъам, КъБР-м дзюдомкIэ и федерацэм и тхьэмадэ Емкъуж Мухьэмэд, Олимп джэгухэм дзюдомкIэ я чемпион Мудрэн Беслъэн, УФ-м дзюдомкIэ и командэ къыхэхам и тренерхэу Щад ­Муратрэ Хьэбэчыр Муратрэ, КъБР-м ­дзюдомрэ самбэмкIэ и спорт еджапIэм и унафэщI Сэ-   ралъп Олег, «Локо-дзюдо» клубым и тхьэмадэ Джэданэ Залым сымэ, республикэм и хъыбарегъащIэ IуэхущIапIэхэм я лэжьа­кIуэхэр, спортсменхэмрэ абыхэм я тренерхэмрэ, нэгъуэщIхэри. 
ЗэIущIэм къыщыхагъэщащ къэралым мыхьэнэ нэхъыбэ зрит спорт лIэужьы­гъуибгъум дзюдор зэращыщыр, ди респуб­ликэми абы гулъытэ хэха зэрыщи­гъуэтыр икIи абы зыхуэзыгъасэхэм я­ ­ехъу­­­лIэныгъэхэм щIыналъэм и уна­фэщI­хэри спортым дихьэххэри зэрыкIэлъыплъыр, ди спортсменхэм я зэфIэкIхэми зэ­ригъэпIейтейр.
КъБР-м ДзюдомкIэ и федерацэм лэжьыгъэ куэд блэкIа илъэсым иригъэкIуэкIащ икIи, псалъэм къыдэкIуэу, ди спортсмен-хэр зэхьэзэхуэ зэхуэмыдэу (щIыналъэхэм ­къы­щыщIэдзауэ къэрал, дунейпсо зэпеуэ­хэм деж щиухыжу) 30-м хэтащ, текIуэ­ны­гъэхэр абыхэм къыщахьащ е етIуанэ, ещанэ увыпIэхэр щаубыдащ. Абы нэмыщI, егъэджэныгъэ-зыгъэсэныгъэ зэхуэсу 4 ­ира­­гъэкIуэкIащ. IэнатIэм и лэжьакIуэхэм къы­­зэрыхагъэщамкIи, апхуэдэ Iуэху бгъэ­дыхьэкIэм и фIыгъэкIэ, ди спортсменхэм ехъулIэныгъэ хъарзынэхэри къагъэлъэ­гъуащ. Къапщтэмэ, абы и щыхьэтщ къэ­ралым и командэ къыхэхам республикэм и бэна­кIуэ 18 зэрыхэхуар.
Хьэсанэ Ислъам тренерхэм фIыщIэ яхуи­щIащ ирагъэкIуэкIа лэжьыгъэхэм папщIэ икIи спортсменхэм ехъуэхъуащ дызыхы- хьа илъэсми ехъулIэныгъэфIхэр къагъэлъэ­гъуэну, республикэм и щIыхьыр нэхъри ­лъагэу яIэтыну. 
Къыхэдгъэщынщи, УФ-м дзюдомкIэ и командэ къыхэхам Къэбэрдей-Балъкъэрым щыщ щIалиплI тренеру нобэ щолажьэ икIи ди республикэм дежкIэ ар мыхьэнэшхуэ, пщIэшхуэ зиIэ Iуэхугъуэщ.
ЗэIущIэр Iуэху гуапэкIэ иухащ: УФ-м дзюдомрэ самбэмкIэ и командэ къыхэхам хэ­хуахэм саугъэт лъапIэхэр - кимонохэр, спорт щыгъынхэр, сумкэхэр иратащ. Дзэ Iуэху хэхам хэтхэмрэ щытыкIэ гугъум ихуа унагъуэхэмрэ я сабийхэми апхуэдэ гулъытэ хуащIащ.
ХЬЭЩЫКЪУЕЙ  Олег.

Поделиться:

ЧИТАТЬ ТАКЖЕ:

08.11.2026 - 09:03

Экономикэр зэрефIакIуэм и нэщэнэу

Къэбэрдей-Балъкъэрым и Жылагъуэ палатэм и еханэ зэхыхьэгъуэм и IX зэхуэсышхуэу республикэм и Парламентым щекIуэкIам и гугъу щащIащ «Техноло-гиер ерыскъы шынагъуэншагъэм и щIэгъэкъуэнщ лъэпкъ проект

07.11.2026 - 09:03

Нэхъыжьхэр ягъэлъапIэ

Урысей театр зэгухьэныгъэм (РТО) (Театр лэжьакIуэхэм я зэгухьэныгъэу (СТД) щытаращ) и щIыналъэ къудамэм артист нэхъыжь­хэр щагъэлъапIэ зэIущIэ гуапэ щекIуэкIащ.

06.11.2026 - 09:31

Я гуащIэр къалъытэу

ЩэкIуэгъуэм и 3-м КъБР-м и Парламентым щагъэлъэпIащ республикэм и IэнатIэ зэмылIэужьыгъуэхэм ехъу­лIэ­ныгъэ яIэу пэрыт лэжьакIуэ 50-м нэблагъэ. 

06.11.2026 - 09:29

Ди Хэкур къулейщ лъэпкъхэм я щэнхабзэхэмкIэ

ЦIыхубэ зэкъуэтыныгъэм и махуэм дигу къегъэкIыж Урысейм и къарур абы щыпсэу лъэпкъ зэмылIэужьы­гъуэхэм я зэкъуэтыныгъэр зэрыарар.

06.11.2026 - 09:23

ЩIэблэр фIым хуагъасэ

Шэджэм Езанэ къуажэм  и «Лэгъупыкъу» сабий гъэсапIэм щекIуэкIащ «Лъэпкъ­хэм я зэныбжьэгъугъэ: гуа­пагъэм, щэнхабзэм, зэ­къуэ­тыныгъэм я махуэш­хуэ»   жармыкIэр.