Кёп болмай Къабарты-Малкъар гуманитар-техника  колледжде окъугъанланы къаууму уллайгъанла тургъан  республикалы интернатны жокълагъандыла,  саугъала, ол санда аш-азыкъ  хуржунла  да хазырлап элтгендиле. Аны бла да къалмай, той-оюн да къурагъандыла.  

Бу жандауурлукъ ишге «Абилимпиксни» директоруну кенгешчиси Марина Ортанова, «Надежда» жамауат биригиуню келечилери  да къатышхандыла.

 Къабарты-Малкъар гуманитар-техника  колледжде окъугъанла волонтёрлукъ ишге тири къатышадыла. Ала ол ишлерин  «Надежда» эмда «Абилимпикс»   биригиуле бла къаты байламлыкъда бардырадыла. «Надеждагъа» жюрюген  къыяулу сабийлеге  тюрлю-тюрлю багъыу амалла  этерге болушадыла, спорт бла байламлы ишле эмда чыгъармачы  байрамла къурайдыла.